web counter
LEXO PA REKLAMA!

SHKARKO APP

App Store
Google Play

“Hapu dhé!”/ Rama: Nuk ka asnjë reflektim në horizontin e pushtetit gjyqësor, vetëm presion

26 Shkurt 2026, 11:37, Politikë CNA

Kryeministri Edi Rama u ndal në një qëndrim të gjatë në mbledhjen e sotme të Grupit Parlamentar të PS-së, te situata me gjyqtarët, me të cilët së fundmi ka pasur edhe përplasje.

Sipas Ramës, deri më tani nuk është marrë asnjë hap reflektues nga pushteti gjyqësor, teksa u ndal te kërkesat për rritjen e pagës, por edhe vendimin për komisionet.

Rama tha se presioni që i përmendet nga gjyqtarët nëpër deklarata, nuk është gjë tjetër veçse përpjekje ndaj harresës së veprimeve të tyre gjatë qeverisjes "Berisha".

“Me vendim të një seance paraprake të padëgjuar në historinë e botës, përpjekja e shoqatës së përfaqësuesve të gjyqësorit për të rritur pagën me gjyq, si mundet që në republikën me 3 pushtete, gjyqësori përcakton pagat dhe taksat e një vendi? Çfarë është veçse ndërhyrje, vendimi i Kushtetueses se si Kuvendi ka vendosur të ndajë komisionet parlamentare. Hapu dhé! Mendimi ynë është që kjo fazë të jetë kalimtare. Në të kundërt, as nuk kemi gjyqësor të pavarur e profesional, por as shtet funksional. Administratë pa pasur frikë të marrë vendim, qoftë edhe për blerjen e letrës higjienike. Është pjesë e një zinxhiri kilometrik të ideve të krijura nga frika. E përsëris, këto janë leksione që vendet e tjera i kanë nxjerrë me vonesa të caktuara. Shqipëria nuk e ka këtë luks, prandaj duhen marrë në konsideratë nga të gjithë, sa nuk kanë prekur palcën. Ka me mijëra studime e doktoratura për këtë temë. Por unë kam shpresën dhe përpiqem t'ju mbaj me këtë frymë, kundrejt brutalitetit të prokurorëve dhe gjyqtarëve. Kur jepet një dënim edhe më i madh se gjykata e nivelit të parë, këto janë fakte të tmerrshme. Por nuk ka asnjë reflektim në horizontin e pushtetit gjyqësor. Kur unë ngre shqetësime te tilla, më ngjisin si pullë poste, siç bëjnë daullet në ditët e dasmës. Në thelb, unë ngre probleme serioze. Shkruesit e atyre deklaratave të kota, kur shkruajnë fjalën ‘presion’, mirë është të kujtojnë se ku ishin fshehur kur ishte paraardhësi im”,-tha Rama./CNA

 





Lajmet e fundit nga