E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

"'5D', kali i betejës që rrëzoi titullarët e Bashkisë së Tiranës"/ Këlliçi: Sot nuk u pyeta për rolin e Erion Veliajt

25 Shtator 2025, 20:00, Politikë CNA

"'5D', kali i betejës që rrëzoi titullarët e

Deputeti i Partisë Demokratike, Belind Këlliçi i ftuar në një intervistë në “Syri TV” ka folur për paraqitjen e ditës së sotme në GJKKO si dëshmitar për dosjen “5D”. Deputeti tha se nuk u pyet për rolin e ish-kryebashkiakut të Tiranës në këtë aferë edhe pse ai ishte titullari i autoritetit kontraktor.

Këlliçi tha se për të kjo aferë ishte një kalë beteje që rrëzoi të gjithë titullarët e Bashkisë së Tiranës, por edhe pse ka kaluar për gjykim është e paplotë për Erion Veliajn.

"Mendoj se do të përbënte interes roli i titullarit te autoritetit kontraktor.

U pyeta për sasinë e parave. Duhet të më pyesnin për rolin e Erion Veliajt.

Sikundër u pyeta kush ishin “2D” e tjera dhe u thashë se ishte Elton Kacidhja dhe Nesti Angoni alias Arbian Mazniku, nuk u pyeta për rolin e Erion Veliajt.

Nuk pati asnjë koment për Erion Veliajn dhe Arbian Maznikun, për mua sërish ajo dosje është e paplotë për aq kohë sa ai që ka vendosur firmën është Erion Veliaj ashtu edhe në rastin e inceneratorit. Dosja 5D për mua ka qenë kalë beteje që ka rrëzuar të gjithë titullarët e bashkisë, dosja ka kaluar për gjykim.

Unë kam dorëzuar në SPAK të dhëna, por kanë dalë të tjera për të cilat nuk kisha informacion", tha Këlliçi.

Përsa i përket pyetjes së avokatit të Redi Mollës se tani që Molla është në burg a do të kandidonte sepse nuk ia vjedh më votat, Këlliçi tha se pyetja ishte ofenduese dhe se duhet të shohin rezultatin tani në vitin 2025 se ku janë.

"Atyre që më rrihnin gjoksin si e kisha rezultatin në 2023 u them shikoni sesi e keni rezultatin tani.

Ishte një pyetje ofenduese apo ironizuese për kandidaturën time dhe zgjedhjet e 2023. Këta janë dhe hajdutë, janë dhe injorantë dhe bëjnë arrogantin ky është asburdi më i madh që ndodh në këtë vend, meqë ishin të interesuar për zgjedhjet në 2023, ju them se nga 2023 deri me 25 shtator jam më mirë se sa ata"./CNA