web counter
LEXO PA REKLAMA!

SHKARKO APP

App Store
Google Play

E fundit!

x

“Tirana, lavatriçe e pastrimit të parave”/ Eksperti i Ekonomisë: Veliaj, i lidhur me skemat kriminale të 5D

25 Shtator 2025, 18:04, Politikë CNA

“Tirana, lavatriçe e pastrimit të parave”/ Eksperti i

Eksperti i Çështjeve të Ekonomisë, Dorian Teliti është shprehur se Erion Veliaj duhet të ishte larguar prej kohësh pas ka shkaktuar dëme të paimagjinueshme të cilat rëndojnë mbi kurrizin e qytetarëve shqiptarë.

Teliti u shpreh se Veliaj e ktheu Tiranën në një lavatriçe pastrimi parash dhe se ishte i lidhur me skemat kriminale të 5D.

“Nga ana e mazhorancës po përpiqen ta kalojnë këtë si një histori suksesi, e cila është ndërprerë thjesht për një aspekt juridik, pasi ka kaluar një afat tre-mujor, por në fakt ka kaluar tashmë 7 muaj. Edhe pse ne si këshilltarë bashkiakë kemi kërkuar prej vitesh largimin e Veliajt nga Bashkia e Tiranës, dhe kemi protestuar vitin e kaluar me 44 protesta, pavarësisht kushteve, për largimin e tij, në votat në Këshillin Bashkiak si opozitë nuk e kishim. Kemi propozuar largimin e tij, dhe e fundit ka qenë në muajin maj. Tashmë, mazhoranca ka marrë një iniciativë njëanshme, duke provokuar dhe duke krijuar një narrative që thotë se Veliaj po largohet për shkak të mungesës së tij prej kohësh në krye të detyrës, por jo për dështimet e tij.

Në fakt, është e kundërta. Arsyeja e fundit pse ai është larguar është mungesa e tij, por ai është larguar për dëmet e mëdha që ka shkaktuar Tiranës. Dëme të paimagjinueshme. Taksat në Tiranë janë rritur 2-10 herë, jetesa është bërë më e kushtueshme për qytetarët, dhe kjo bashki nuk ofron shërbime. Duke filluar nga çerdhet dhe kopshtet. Ishte vetë Rama ai që tha dje se kanë problem. Pse nuk e dinin ata më parë që kishin problem? Pse nuk morën masa gjatë këtyre 10 viteve drejtimi të qeverisë dhe bashkisë për t’i ndërtuar?

Është e pafalshme që sot në Astir nuk ka shkolla, çerdhe, kopshte. Po ashtu, Kodra e Priftit nuk ka shkollë shtetërore. Nuk kemi qendra shëndetësore në periferi, dhe në qendër të Tiranës punojnë disa prej tyre. Është e pafalshme që ne paguajmë për një incinerator që nuk ekziston. Është e pafalshme që Erion Veliaj ka betonizuar Tiranën në bashkëpunim me qeveritarët. Na janë marrë trotuaret, qendrat, hapësirat publike, këndet e lojërave. Nuk ka më atolla për të moshuarit që të dalin e të lëvizin. Fshatrat janë braktisur prej 10 vitesh, pa subvencione dhe pa infrastrukturë.

Veliaj duhej të largohej nga detyra prej kohësh, sepse ai ka lidhur skemat kriminale të 5D. Ai duhej të largohej për atë ujë të pijshëm që sot mungon në rubinetët tanë. Pse nuk janë marrë masa deri më sot? Pse duhet të besojmë një ekip që, në të ardhmen, problemet që nuk i zgjidhën në 10 vite, do t’i zgjidhin në të ardhmen?

10 vite në detyrë dhe ende flasim për ndërtimin e shkollave, çerdheve, kopshteve dhe parqeve. Erion Veliaj ka menaxhuar një buxhet marramendës, afro 4 miliardë euro. Ai mund të kishte bërë mrekulli për Tiranën. Ndërkohë, del raporti i tre muajve më parë, ku Tirana është qyteti më i papërshtatshëm për të jetuar në listën e fundit. Për këtë arsye duhej të largohej Veliaj. Për vjedhjet, abuzimet dhe për babezitë e tij. Këto janë arsyet e vërteta, edhe pse PS nuk pranoi t’i përfshinte ato në pretendimet për shkarkim. Arsyeja e fundit është mungesa e tij në detyrë.

Dëmet që ka shkaktuar Veliaj, edhe pse ai është larguar, ende ndihen pasojat në kurrizin e qytetarëve, fëmijëve dhe të gjithë të tjerëve. Tirana është kthyer në një lavatriçe të madhe pastrimi. Kjo lavatriçe nuk është vetëm përgjegjësi e Veliajt, por ai ka qenë një nga aktorët kryesorë. Tirana është kthyer në një lavatriçe për pastrimin e parave me qëllim. Nuk është kthyer për shkak të paaftësisë, por ka qenë një dëshirë dhe ata e arritën këtë qëllim”, ka deklaruar Teliti./ CNA





Lajmet e fundit nga