web counter
LEXO PA REKLAMA!

SHKARKO APP

App Store
Google Play

E fundit!

x

Pse nuk dorëhiqen kryebashkiakët e akuzuar dhe të dënuar?

25 Shtator 2025, 16:20, Politikë CNA
Pse nuk dorëhiqen kryebashkiakët e akuzuar dhe të dënuar?
Foto ilustruese

Një sërë kryebashkiakësh në radhët e socialistëve janë akuzuar e dënuar për akuza dhe vepra të rënda penale, si korrupsioni apo shpërdorimi i detyrës etj.

Por asnjëri prej tyre nuk ka dhënë dorëheqjen, pasi janë hetuar dhe janë kapur të gjallë nga drejtësia.

Po sjellim disa nga rastet më të fundit.

Pse nuk dorëhiqen kryebashkiakët e akuzuar dhe të dënuar?
Erion Veliaj

Kemi kryebashkiakun e Tiranës, me 13 akuza për 5 vepra të rënda penale, Erion Veliaj, i cili ndodhet në burgun e Durrësit që prej 10 shkurtit.

Pasi u arrestua, Erion Veliaj nuk pati dinjitetin dhe moralin të dorëhiqet, derisa u shkarkua në Këshillin Bashkiak, propozim, i cili u miratua sot nga Këshilli i Ministrave.

Edhe pse i zhytur totalisht në korrupsion, në shpërdorim detyre, në pastrim të produkteve të veprës penale, në futjen e sendeve të palejuara në qeli, në fshehjen e pasurisë, Erion Veliaj nuk e dha dorëheqjen, as kur kryeministri ia kërkoi, lajm të cilin e ka raportuar më parë CNA.

Shkojmë më tej. I njëjti precedent është edhe në rastet e kryebashkiakëve të tjerë të akuzuar apo të dënuar.

Pse nuk dorëhiqen kryebashkiakët e akuzuar dhe të dënuar?
Fatos Tushe

Fatos Tushe (ish?kryebashkiak i Lushnjës), i dënuar për shpërdorim detyre dhe abuzim me tenderë, po ashtu nuk u dorëhoq, por u shkarkua nga kryeministri Edi Rama.

Lefter Alla (ish?kryebashkiak i Bulqizës)

Pse nuk dorëhiqen kryebashkiakët e akuzuar dhe të dënuar?
Lefter Alla

Akuzohet për shpërdorim detyre dhe shkelje të barazisë në tenderë, për një tender të Ujësjellësit dhe u dënua me tri vite burg.

Lefter Alla, po ashtu, nuk dha dorëheqjen, por u shkarkua.

Pse nuk dorëhiqen kryebashkiakët e akuzuar dhe të dënuar?
Edison Memolla

Edison Memolla, kryebashkiaku i Rrogozhinës, u dënua për korrupsion aktiv në zgjedhje, por nuk e dha dorëheqjen nga posti.

Pse nuk dorëhiqen kryebashkiakët e akuzuar dhe të dënuar?
Erion Isai

Së fundi, Erion Isai, kryebashkiaku i Kolonjës, i cili është marrë i pandehur nga SPAK-u dhe akuzohet për “shkelje të barazisë në tenderë” dhe “shpërdorim detyre”. As ky i fundit nuk e ka dhënë dorëheqjen.

Pra, të gjithë këta kryebashkiakë që listuam, duke nisur që nga Veliaj dhe deri tek i fundit Erion Isai, ndonëse janë të kapur në shkelje nuk japin dorëheqjen nga detyra.

Por kjo nuk ndodh në perëndim. Janë me dhjetëra raste që kryebashkiakët kur kapen në shkelje japin dorëheqjen, ndërkohë në Shqipëri kjo nuk ndodh.

Shqipëria është një vend që aspiron BE-në, që po punon në çeljen e negociatave, por a mund të shkojë Shqipëria në BE me një precedent të tillë?

Këta njerëz duhet të kuptojnë që nga Veliaj e deri tek i fundit se duhet të fillojë institucioni i dorëheqjes, i cili në Shqipëri dikur ka ekzistuar dhe ka filluar gjatë kohës së qeverisjes së Berishës.

Ka qenë Ilir Rusmajli që ka dhënë dorëheqjen për një përgjim ku dilte vëllai i tij për të cilin nuk kishte dijeni. Vetëm se i vëllai kishte shkuar në një institucion varësie, Ilir Rusmajli dha dorëheqjen.

Veliaj &CO janë nën akuzë, të pandehur dhe të dënuar dhe askush nuk jep dorëheqjen. Duhet të kenë kulturën e dorëheqjes minimalisht kur u ngrihet një akuzë.

Nuk po themi në momentin që hetohen, por në momentin që ngrihet apo regjistrohet një akuzë nga një institucion penal jepet dorëheqje.

Çfarë janë këta njerëz të lidhur pas karriges?

Çfarë është kjo marri nga të gjithë këta zyrtarë që i marrin nën akuzë dhe më pas vazhdojnë të rrinë në detyrë kur shumë thjesht të akuzuar, të dënuar mund të japin dorëheqjen dhe bashkia drejtohet për një periudhë nga një nënkryetar derisa të bëhen zgjedhjet dhe më pas pasi mbyllen proceset ligjore, vazhdon drejton institucionin.

Si do të shkohet në BE me mendtë e këtyre kryebashkiakëve që në akuzë dhe të dënuar vazhdojnë duan të vazhdojnë të mbajnë karrigen lidhur pas brezit?/ CNA





Lajmet e fundit nga