E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Shkodër, nis ndërtimi i kullës 35-katëshe/ PD: Denoncojmë betonizimin e qendrës historike

25 Shtator 2025, 11:01, Politikë CNA

Shkodër, nis ndërtimi i kullës 35-katëshe/ PD:

Në qendër të Shkodrës ka nisur zyrtarisht projekti më i debatueshëm i viteve të fundit, ndërtimi i një kulle 35-katëshe. Një vit më parë kur projekti u prezantua, në qytet u zhvilluan disa protesta, por pa ndikim.

Në nisje të punimeve, këshilltari i PD-së, njëherësh urbanist në profesion, Imeld Sokoli ka dalë në një deklaratë publike teksa tha se ky projekt betonizon qendrën historike si dhe cenon planin urban të qytetit.

“Partia Demokratike Dega Shkodër merr shkas nga fillimi i punimeve për ndërtimin e kullës në qendër të qytetit që të denoncojë këtë rast si shkelje e rëndë e politikave të zhvillimit të territorit. Kjo leje ndërtimit e dhënë në mënyrë arbitrare cenon rëndë Planin e Përgjithshëm Vendor si instrumenti i vetëm që mbron interesin publik dhe balancon zhvillimin. Bashkia Shkodër si institucioni kompetent për implementimin e planit të përgjithshëm vendor duhet të mbrojë interesat publike dhe jo të bëhet pjesë e jashtëligjshmërisë duke dhunuar këtë interes. Ajo çka predikon bashkia në rrjetet sociale është zhvillimi i politikave të qëndrueshme mbi territorin ndërkohë në terren ndodh krejt e kundërta. Projekte të panevojshme betonizojnë qendrën e qytetit duke shkatërruar identitin e qendrës së qytetit dhe kontribuuar në përkeqësimin e elementeve mjedisore në qytet. Për më tepër kjo leje ka dritëhijet e veta korruptive sepse është e përfituar nga procese të dyshimta të transaksioneve të pronës. Bashkia duhet të reagojë me bllokim të procesit të punimeve sepse kështu po kontribuon në shkatërrimin dhe jo përmirësimin e jetës së qytetit”, tha Sokoli.

Ndërtimi i kullës pritet të zgjasë 84 muaj dhe do të ndryshojë përgjithmonë pamjen urbane të metropolit verior. Për opozitën, urbanistët, por edhe shoqërinë civile ky projekt do të sjellë betonizim të tejskajshëm në qendër të qytetit duke mos i dhënë frymë pamjes historike të Shkodrës.