E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Për çfarë duhet të kenë kujdes prindërit dhe mësuesit kur kritikojnë adoleshentët

28 Shtator 2023, 18:46, Sociale Lira Gjika

Për çfarë duhet të kenë kujdes prindërit dhe

Të rritur, prindër e mësues, ju që keni dhe jeni në kontakt me fëmijë në moshën 12-18 vjeç, kini kujdes kur flisni me ta, sidomos kur doni t’i tërhiqni vëmëndjen.

Njeriu në këtë moshë, nuk e ka arritur atë pjekuri mendore dhe për pasojë edhe aftësinë për të menaxhuar sferën emocionale, që të arrijë të bëjë diferencimin e zërit dhe mënyrës se si po i flasin, po e këshillojnë, po i flasni seriozisht apo po i bërtasin dhe ironizojnë?!

Në këtë periudhë njeriu nuk arrin të bëjë diferencën e zërit dhe mimikës së tjetrit, por sidomos kur tjetri është i rrituri, gjëndja rëndohet edhe më keq.

Adoleshenti është gjithë shqisa ndaj të rriturit, sepse edhe pse me trup po i afrohet apo i është afruar, me përdorimin e fjalës dhe sidomos të sferës emocionale, ndihet ende i parritur dhe kjo i krijon netvozizëm.

Pra si po i flet? Po i flet me seriozitet apo po e urdhëron dhe e shan? Gjithashtu, shtoi kësaj papjekurie dhe traditën tonë të komunikimit me fëmijët e cila le shumë për të dëshiruar.

Të folurit, pothuajse gjithnjë në mënyrë urdhërore, me zërin e ashpër dhe krahasimin me tjetrin, e vështirësojmë edhe më shumë komunikimin dhe marrëdhënien me adoleshentin. Është e vërtetë që të ndërtosh një marrëdhënie me tjetrin, ka raste dhe jo rrallë, që nuk është aspak e lehtë dhe, kur tjetri është një adoleshent, vështirësia shumëfishohet.

Por, nëse do të niseshim nga një princip i thjeshtë, që, një person i besuar, i butë dhe i kujdesshëm, që hyn në sintoni me botën e brëndëshme tonën, është shpesh çelësi për “hapjen e dritares së tolerances” dhe komunikimi nuk është më i mundimshëm dhe i sikletshëm.

Prindër e të rritur të tjerë, pse të mos përpiqeni, të jeni ju “çelësi” i qetësisë për mundësinë e komunikimit me adoleshentin, që e ka kaq shumë të nevojzhme marrëdhënien e sigurt me të rriturin? Përpiquni dhe do t’ia dilni.