web counter
LEXO PA REKLAMA!

SHKARKO APP

App Store
Google Play

E fundit!

x

Pema që nuk u bë dot pyll

31 Tetor 2025, 15:16, Opinione Andi Bejtja

Pema që nuk u bë dot pyll

Nuk do ta harroj kurrë 9 janarin e vitit 2004. Isha drejtor i lajmeve në "Top Channel" dhe, falë këtij televizioni, u zbulua dhe u raportua ajo tragjedi që i kushtoi jo pak Fatos Nanos në karrierën e tij. Ishte ajo kohë kur uleshim nëpër tavolina së bashku dhe mund të mjaftonte edhe një gjysmë telefoni, por absolutisht jo.

Në një episod tjetër, po shkruaja artikullin me titullin “Nano ik”, kur ndërkohë më ra telefoni nga një person i stafit të tij, i cili, bashkë me disa përfaqësues të shoqërisë civile nga SHBA-ja, na ftonte për darkë.

“Nuk mund të vij,” – i thashë, – “sepse nesër do të botoj këtë shkrim me këtë titull. E kam të pamundur.”

Pas pak më erdhi një SMS: “Shkrimin mos e hiq, dhe për darkë hajde.”

Janë dy episode që flasin shumë. Ky ishte Fatos Nano. Fytyrën e tij kishte edhe Partia Socialiste në ato vite. Kishte nga ata që këtë tolerancë të tepruar përpiqeshin ta interpretonin edhe si indiferencë, por, sido që të përpiqeshin t’i përzienin këta dy elementë — me dashakeqësi ose jo — nuk ia zbehën dot minimumin: fytyrën e qytetarisë.

Toleranca dhe qytetaria janë pemë që nuk mbijnë lehtë në këtë truall, sidomos pas disa viteve burg...

Të qoftë i lehtë dheu, miku im Fatos Nano. Kush të kuptoi, të kuptoi. Kush s’të kuptoi, prapë ka kohë të reflektojë sa herë e sheh veten në pasqyrën e kohës që po jetojmë — duke i zvogëluar gjithnjë e më shumë të ashtuquajturat “vese”, që duken si kokrriza mikroskopike rëre në trungun e madh të Pemës së Qytetarisë, që në këtë vend nuk mundi kurrë të bëhej pyll.





17:12 Opinione Osman Stafa

Dy botë në një shtet

Në foton e parë janë deputetët e Republikës së Shqipërisë....

22:55 Opinione Lutfi Dervishi

Ditar i Diellës

Kina kërcënon Shqipërinë! Sot në mëngjes, ndërsa po bëja ...

Lajmet e fundit nga