E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Mungesa e avionëve "Canadair" apo mendtë e kokës së shqiptarëve?

14 Gusht 2025, 14:02, Opinione CNA

Mungesa e avionëve "Canadair" apo mendtë e kokës

Foto ilustruese

Shqipëria po përballet me flakët. Zjarret kanë pushtuar shumë qytete. Delvina Gramshi, fshatra, shtëpi të djegura, bagëti, dëme të mëdha dhe një situatë që nuk e shohim vetëm në vendin tonë, por në të gjithë rajonin. Shikojmë Greqinë në flakë, Maqedoninë, Malin e Zi, etj.

Shqipëria digjet/ Situata e zjarreve në 24 orët e fundit, si paraqitet gjendja
14 Gusht, 11:14

E gjithë Europa ka pasur temperatura ekstreme dhe zjarre. Beteja me flakët nuk është vetëm në 28 mijë kilometrat e Shqipërisë, por në të gjithë Europën.

Ajo që bie në sy është reagimi i disa analistëve apo njerëzve që japin mend për gjithçka me idenë që Shqipëria ka bërë një krim të madh që nuk ka blerë dy avionë “Canadair”.

A thua se po të kishim dy avionë “Canadair” zjarret do të ishin fikur të gjitha, nuk do të kishim probleme nga jugu në veri. Këta avionë do të kishin zgjidhur gjithçka.

Në fakt, janë katër helikopterë, avionë që vijnë nga mbështetja e Emergjencës Civile dhe BE-së, ndihmë nga Greqia apo nga vendet e tjera aleate dhe sërish situata vazhdon të jetë problematike.

Mungesa e avionëve "Canadair" apo mendtë e kokës

Edhe Greqia dhe Mali i Zi që kanë atë avion dhe shumë vende europiane edhe më të mëdha se Shqipëria, me kapacitete financiare dhe investime për Emergjencat Civile ndoshta sa buxheti ynë i shtetit në vit, kanë flakë.

Pra, beteja me zjarret, përpara se të jetë një çështje e dy “Canadair”, është çështje e 46 të arrestuarve në 140 vatra zjarri.

Janë 46 persona, të paktën sipas shifrave të dhëna nga Policia deri tani, që janë arrestuar për çështjen e flakëve.

Para se të qajmë se nuk kemi dy “Canadair”, duhet të qajmë sa popull injorant, çfarë kriminelësh, çfarë piromanësh, çfarë qelbësirash ka rritur kjo tokë, sa të paedukuar, sa të papërgjegjshëm janë këta njerëz të cilët ndezin zjarret.

Zjarrvëniet e qëllimshme/ Policia e Shtetit: Janë identifikuar 137 autorë, 46 të arrestuar dhe 91 persona nën hetim
14 Gusht, 11:10

Është një tjetër gjë fikja e tyre, na duhen apo jo dy avionë “Canadair” dhe tjetër gjë zjarrvënia.

Për inat të komshiut djeg tërë fshatin, se do të ushqejë tri dele djeg gjithë malin.

Këta jemi ne. Zjarret i kanë vënë shqiptarët. Dhe që të na fikin mendjelinjtë e tjerë na thonë se problemi janë mungesa e dy avionëve “Canadair”.

Ja ku i ka Greqia “Canadair”, sa është potenciali i saj ekonomik dhe financiar, si e ka mbështetjen e Emergjencat Civile, sërish në flakë ndodhet.

Ja ku është Spanja, ja ku është Italia, disa nga vendet me eksperiencën më të madhe në lidhje me Emergjencat Civile, me zjarret, për shkak edhe të vetë natyrës që përfshin që nga mbrojtja civile në alpe përfundon në brigjet e detit, lumenj, etj. Departamento di Protezione Civile në Itali është një nga më të fuqishmit në botë dhe sërish Italia është në flakë.

Dhe nuk ka një, por me dhjetëra avionë “Canadair”, sërish është në flakë.

Po zjarret aty në shumicën e rasteve nga verifikimet ndodhin për shkak të temperaturave të larta, zonave të braktisura etj., kurse në Shqipëri shumica e flakëve vendosen për të liruar kullotën, ndizen nga inati.

Ky është problemi i parë dhe kryesori.

Edukimi dhe kultura, më pas të qajmë për dy “Canadair”, të cilët edhe po t’i kishim nuk është se do të kishin zgjidhur ndonjë problem më shumë.

Me të paktën këta 46 persona të arrestuar për 140 vatra zjarri, le të tjerëve apo atyre mendjeve të sëmura që shikojnë në det, në plazhe, njerëzit me pushime, dhe nga inati shkojnë e i vënë flakën një mali aty pranë.

Më shumë sesa te dy avionët “Canadair” fatkeqësisht problemin e kemi të mendtë e kokës./ CNA