E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Dy drafte: një për Shqipërinë dhe një për dembelinë!

30 Korrik 2025, 15:55, Opinione CNA

Dy drafte: një për Shqipërinë dhe një për

Reformat nuk presin dot kënaqësinë e parazitëve.

Prokurori i Përgjithshëm thotë se drafti i Kodit Penal rrezikon funksionimin e drejtësisë. Por se si, e qysh, e tek e rrezikon sistemin ky projekt-kod, Prokurori i Përgjithshëm duhet të shkojë ta thotë sy më sy kur të mblidhen profesionistët e fushës, dhe jo me juristët e lagjes në kafe.

Kryeprokurori "kundër" Kodit të ri Penal/ Çela: Tendencë represive që rrit potencialin e kriminalizimit
29 Korrik, 17:53

Të njëjtën gjë thotë edhe kryetari i Dhomës Kombëtare të Avokatisë, por ku shkon dhe më larg thotë: do ta çojmë në Gjykatën Kushtetuese. O avokat, nuk shkon në Gjykatë Kushtetuese një projekt-kod që ndoshta do 2 vjet për t’u miratuar, pasi do të kalojë nga Brukseli, por shkon ligji për Kodin Penal pasi të miratohet nga Parlamenti, nëse do të miratohet.

Maks Haxhia hidhet në sulm/ Kundërshton draftin për Kodin Penal
30 Korrik, 13:15

Nejse, vapë gushti, kur i thonë, “bjeri, t’i biem” të dalim në media dhe portale se tani ka hapësirë për të dalë se politika është në plazh. E pranojmë edhe këtë tallava dhe lajthitje juridike.

Dy-tre gazetarë qenkan prekur rëndë nga ideja që profilet false apo portalet anonime që shantazhojnë zyrtarët dhe bizneset për interesa të errëta, përbëkan kufizim të “lirisë së shprehjes dhe medias” dhe duhet, sipas tyre, të anulohet menjëherë si draft. Tyryryry...

Katër a pesë avokatë-parazitë e pijedashës thonë që s’e lexojnë dot Kodin, ngaqë ka shumë nene dhe duhen dy vjet për ta parë “tamam”.

Një tjetër, nga kafja, thotë se Google Translate e ka përkthyer keq dhe flet si kompetent, se gjasme te Kodi francez, italian apo gjerman e ka lexuar ndryshe. Disa të tjerë, për inerci të të parëve, kanë shumë për të thënë pa e lexuar fare, por do të flasin në vjeshtë… se tani janë në plazh.

Hajde tallava dembelësh, hajde!

Pra, Shqipëria duhet të rrijë pa Kod Penal, pa Kod Civil apo pa kode procedurash derisa t’u vijë terezia këtyre?

Ky është një projekt-kod, jo version përfundimtar. Merreni, lexojeni, shkruajeni dhe sillni versionin tuaj! “Jeni të mirëpritur”, – u tha nga nismëtarët e projektit. Këta janë versioni, ne flasim, ata të shkruajnë, se përtojnë të marrin frymë?

Hajde mendje, hajde!

Po pse, po s’e shkruan këta, do të thotë që s’duhet ta shkruajnë fare?

Kodet nuk janë çështje pëlqimesh personale. Janë vullnet politik dhe juridik: teknikët i hartojnë, politika i voton, Brukseli e certifikon. Pa vulën e Brukselit, Shqipëria nuk miraton Kod Penal. Pikë, mbaroi!
Ata që duan garancitë e Ulsiut në vend të Brukselit të vazhdojnë të merren me Ulsiun, por miletin të mos e torollepsin me tallava juridike gushti.

Për fat të mirë, po shkojmë drejt Bashkimit Europian – jo drejt Republikës së Parazitëve! Për këta të fundit do të bëhet një draft tjetër, që ta punojnë rehat pa ia hapur kapakët fare./ CNA