E fundit!

12:07 Politikë

Rama nuk ishte në interpelancë/ Berisha: Nuk shkel më në Parlament, s'ia mban

Kryetari i Partisë Demokratike, Sali Berisha ka folur jash...

Kundërpërgjigje ndaj gazetarit Baton Haxhiu për shpifjet e tij

20 Shkurt 2025, 14:24, Opinione Kostandin Luçi

Gazetari pranë Rilindjes, Baton Haxhiu, në një shkrim të tij, ka folur për Kryepeshkopin Anastas Janullatos dhe kontributin e tij në Kishën Ortodokse Shqiptare. Haxhiu shkruan se Janullatos nuk erdhi vetëm për të rindërtuar kishat, por erdhi për të rindërtuar një botë.

Më tej gazetari thotë se Katedralja në Korçë ka një frymë bizantine.

“Prandaj, ajo nuk është thjesht një kishë. Ajo është një mesazh i qartë. Një mesazh që thotë se këtu ka frymë bizantine, këtu ka frymë helene. Një vulë që nuk mund ta anashkalosh. Një shije që nuk kërkon leje për të hyrë. Ajo thjesht vendoset”, shkruan Haxhiu.

Baton Haxhiu thotë se kisha në qendër të Korçës flet greqisht.

“Një qytet që gjithmonë kishte qenë krenar për europianizmin e tij, tani kishte në zemër një kishë që flet greqisht. Dhe kjo ndoshta ishte trashëgimia më e thellë e tij – një paqe që ecën lehtë mbi gurë që do të mbajnë gjithmonë aromën e jugut”, thotë gazetari.

Kostandin Luci i është kundërpërgjigjur Baton Haxhiut me një status në rrjetet sociale dhe e ka quajtur shpifje shkrimin.

Luci në statusin e tij i thotë Haxhiut se meshat në kishat ortodokse në Shqipëri mbahen në gjuhën shqipe. Luci, referuar shkrimit të Baton Haxhiut se Katedralja e Korçës flet greqisht, thotë se greqisht flasin vetëm rrënojat antike të Butrintit.

Statusi

Kundër përgjigje ndaj gazetarit Baton Haxhiu për shpifjet e tij.

Gazetari, Baton Haxhiu, këtë herë, vazhdon të flasi duke gënjyer dhe duke thënë gënjeshtra për kryepeshkopin Anastas dhe veprën që ai la pas.

E Para që duhet të dish, gazetari Baton, është fakti që ndërtimi i kishave Ortodokse, jo vetëm në Shqipëri, por kudo nëpër botë janë të stilit Bizantin dhe kjo nuk ka lidhje me Greqinë, por trashëgiminë nga perandoria Romake e Lindjes ose Bizanti. E Dyta që duhet të dish, gazetari Baton, është që mesha në kishat Ortodokse në Shqipëri, është Shqipja dhe jo gjuha greke. Gjuha greke përdoret në ato vende ku ka minoritet Grek.

E Treta, që duhet të dish, gazetari Baton është fakti që kryepeshkopi me të vërtetë, erdhi si shtetas grek, por fjeti si një shqiptar që bëri më shumë për Shqipërinë, sesa ti ose ju keni bërë me kohë.

E Katërta, gazetari Baton duhet të dish se, katedralja e Shën Gjergjit në Korçë, një simbol i Korçës u prish nga sistemi Komunist dhe Kryepeshkopi e ringriti nga zeroja, dhe e quajti, Katedralja e Ngjalljes se Krishtit, lidhur me Ngjalljen e trashegimisë dhe besimit te humbur për vite me rradhë.

Se për çfarë gurësh, qe flasin greqisht unë nuk e di këtë, përveçse atyre rrënojave antike në Butrint apo gjetkë, ose edhe ne ndonjë kishë që i mbijetoi shkatërrimit Osman dhe atij Monist. Edhe kisha Katolike psh,i ka stilet e kishave me stil Romak, ateherë janë Italiane ato? Jo nuk janë. Kështu që, mjaft gënjeve gazetari Baton. Vepra e KOASH, nën drejtimin e Kryepeshkopit Anastas, mund të shihet kudo dhe fjalët në këtë rast janë të tepërta sepse vetë veprat flasin shumë. Kryepeshkopi Anastas, na mëson dhe thotë gjithmonë, se kisha duhet të jetë e pranishme në të gjitha fushat e jetës dhe se në çdo fushë të jetës ne duhet të mbjellim dhe të kultivojmë dimensionin shpirtëror. Kjo shprehje e Kryepiskopit na bën që të reflektojmë dhe të mendojmë gjithmonë dhe të ecim me dashurinë për këdo që t’ju rrëfejmë atyre Krishtin Perëndi, pa të cilin jeta e njeriut nuk ka kuptim.

Është shpresa ime e sinqertë që ju do të kuptoni atë që është e vërtetë,dhe cila është kjo, do thoni ju? Është ajo që kryepeshkopi Anastas transmeton dhe mëson çdo ditë në predikimet e tij. Është dashuria për të gjithë njerëzit, është paqja dhe mbi të gjitha që të predikojmë Ungjillin dhe të jemi dishepuj të tij, ashtu si na e kërkon vetë Krishti në Ungjill./ CNA