Për qëndresën ndaj diktaturës/ Nderohet me titull shkrimtari Lekë Tasi

18 Shkurt 2026, 20:28, Kulturë CNA

Për qëndresën ndaj diktaturës/ Nderohet me titull shkrimtari

Këtë të mërkurë u nderua me titullin e nderit shkrimtari dhe ish-i përndjekuri politik Lekë Koço Tasi, për kontributin e tij në dokumentimin e së shkuarës dhe për qëndresën njerëzore përballë padrejtësive.

Titulli iu dorëzua nga nënkryetarja e Bashkisë Divjakë, Silvana Keku, me motivacionin: “Për rezistencë dhe dinjitet njerëzor të ish-të përndjekurit, si person aktiv në dokumentimin e së shkuarës.”

Për qëndresën ndaj diktaturës/ Nderohet me titull shkrimtari

Vlerësimi erdhi pas propozimit të Autoritetit për Informimin mbi Dokumentet e ish-Sigurimit të Shtetit, në kuadër të angazhimit për të nxjerrë në dritë historitë e panjohura të së kaluarës dhe për të nderuar dëshmitarët e saj.

Jeta dhe veprimtaria e Lekë Tasit

Lekë Tasi u lind më 15 prill 1929. Punoi violonçelist i parë në Orkestrën e Radios dhe të Teatrit të Operës ku u pushua për motive politike në vitin 1967. I ati Koço Tasi, avokat me profesion, i njohur në vitet '20, kishte qenë Anëtar i Parlamentit të Parë Shqiptar pas Kongresit të Lushnjës. Pas Revolucionit të qershorit, emigroi për 17 vjet në Greqi.

Për qëndresën ndaj diktaturës/ Nderohet me titull shkrimtari

Arrestohet dhe dënohet në gjyqin special në vitin 1945. Xhaxhai Akile Tasi, me karrierë të ngjeshur politike në kohën e luftës, me profesion gazetar, vdiq në burgjet e diktaturës.

Leka u dërgua me punë të detyruar, pak më vonë u internua familjarisht në Grabjan të Lushnjes, 1975-1990. Jetën e kësaj periudhe e ka rrëfyer në librin autobiografik "Grabjani rrëzë kodrave", Tiranë, 2009, një burim parësor informacioni për brezat e ardhshëm mbi jetën e të internuarve.

Për qëndresën ndaj diktaturës/ Nderohet me titull shkrimtari

Aktiviteti i tij kryesor është piktura. Megjithëse autodidakt, ka punuar seriozisht qysh herët duke kopjuar sipas natyrës dhe duke mësuar nga mjeshtrit e mëdhenj. Pas internimit, në Tiranë më 1990, ai rifillon të pikturojë dhe ka ekspozuar në vitet 1992, 2003, 2007, në Galerinë Kombëtare të Arteve etj.

Vijon edhe sot veprimtarinë aktive për dokumentimin e krimeve dhe pasojave të diktaturës si dhe punon për integrimin shoqëror të njerëzve të goditur në mënyra të ndryshme nga sistemi diktatorial./CNA