Rikthehen pas 14 vitesh 10 ikonat e vjedhura në kishën “Fjetja e Shën Mërisë” në Labovën e Kryqit

30 Janar 2026, 15:04, Kulturë CNA

Rikthehen pas 14 vitesh 10 ikonat e vjedhura në kishën “Fjetja e

Fortlumturia e tij, Kryepiskopi i Tiranës, Durrësit dhe Gjithë Shqipërisë, Joani, mori sot në dorëzim dhjetë ikonat e kishës së Fjetjes së Hyjlindëses të Labovës së Kryqit.

Rikthehen pas 14 vitesh 10 ikonat e vjedhura në kishën “Fjetja e

Ekspertët identifikuan dhjetë ikona të vjedhura nga kisha “Fjetja e Shën Mërisë” në Labovën e Kryqit, të cilat sot po i rikthehen Kishës Orthodhokse pas 14 vitesh mungesë. Jo vetëm u “shpëtuan” nga trafikimi pasuritë kulturore, por është edhe një shembull shumë domethënës suksesi, i cili dëshmon qartë se sa jetik është regjistrimi i pasurive kulturore si mjeti i vetëm dhe i besueshëm për identifikimin e origjinës së tyre, në rastet kur ato rrezikojnë të trafikohen apo humbasin.

Rikthehen pas 14 vitesh 10 ikonat e vjedhura në kishën “Fjetja e

Ky rikthim nuk është vetëm një akt ligjor, por një akt drejtësie historike dhe shpirtërore. Bashkëpunimi me Policinë e Shtetit dhe me Kryepiskopin e të gjitha komunitetet e tjera fetare do të vijojë pa ndërprerje, me qëllim gjetjen dhe rikthimin e objekteve të tjera të deklaruara të humbura, në një angazhim të pakompromis për mbrojtjen e trashëgimisë sonë kulturore.

Rikthehen pas 14 vitesh 10 ikonat e vjedhura në kishën “Fjetja e

“Jam i gëzuar që ndodhem këtu, për rikthimin e një pjese shumë të rëndësishme të trashëgimisë sonë kulturore. Dua të falënderoj të gjithë ata njerëz që i gjetën dhe i mblodhën 10 ikona shumë të bukura dhe shumë të rëndësishme për historinë tonë, dhe sidomos jam shumë mirënjohës ndaj ministrit, i cili pati angazhimin, dëshirën për t’ia kthyer përsëri Kishës Orthodhokse Autoqefale të Shqipërisë. Ne jemi të gjithë të angazhuar për ta mbrojtur këtë kulturë e këtë identitet dhe kjo është një nga pasaportat tona edhe për identitetin tonë europian, e të kulturës europiane. Besoj se bashkëpunimi do të vazhdojë edhe më tej për të mirën e të gjithëve. I falënderoj të gjithë edhe njëherë ata persona, të cilët i gjetën dhe i kthyen përsëri në vendin e tyre këto ikona kaq shumë të rëndësishme”,-tha në fjalën e tij Kryepiskopi Joan.

Fortlumturia e tij, Kryepiskopi Joan, shprehu mirënjohjen për aktin e kthimit të ikonave dhe për vijimin e punëve të tjera konkrete./CNA