web counter
LEXO PA REKLAMA!

SHKARKO APP

App Store
Google Play

E Mërkura e Përhirtë/ Nisin 40 ditët e Kreshmës katolike

18 Shkurt 2026, 14:07, Kulturë CNA

E Mërkura e Përhirtë shënon fillimin e 40 ditëve të Kreshmës për besimtarët katolike. Periudhë kjo ku në fokus është ndihma për të varfrit dhe vetëpërmbajtja.

Duke filluar nga sot, 18 shkurt deri më 2 prill, janë 40 ditë lutje, solidariteti dhe agjerimi që simbolizojnë 40 ditët që Jezusi agjeroi në shkretëtirë.

Kreshma katolike përfundon në të Enjten e Madhe, më 2 prill.

E Enjtja e Madhe e Pashkës është një nga ditët më të rëndësishme të Javës së Madhe në kalendarin e krishterë. Ajo përkujton disa ngjarje themelore nga jeta e Jezu Krishtit, që ndodhën një ditë para kryqëzimit të Tij. Gjatë Kreshmës katolike për çdo të premte nuk lejohet ngrënia e mishit.

Ndërsa sa i përket agjerimit është i detyruar të Mërkurën e Hirtë dhe të Premten e Madhe. Në këto ditë lejohet vetëm një vakt në ditë.

Pashkët Katolike kremtohen më 5 prill 2026.

Ndërsa Kreshma e Madhe e Pashkëve Orthodhokse në vitin 2026 fillon më 23 shkurt (e hëna e pastër) dhe përfundon më 11 prill (e shtuna e Lazrit), me Javën e Madhe që vijon deri në Pashkën Orthodhokse më 12 prill./CNA





Lajmet e fundit nga