E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

Ferdinand Samarxhi me 32 programe në CNA TV/ Një udhëtim shpirtëror dhe historik në të gjithë Ballkanin

18 Shkurt 2026, 14:50, Kulturë CNA

Ferdinand Samarxhi me 32 programe në CNA TV/ Një udhëtim

Ferdinand Samarxhi, gazetari i mirënjohur i të gjitha besimeve fetare, fitues i "Antenës së Artë", "Mjeshtër i Madh" dhe "Nderi i Kombit", sivjet në këtë jubile të 35-vjetorit të hapjes së lirisë së besimit në Shqipëri, starton me 32 programe në të gjithë Ballkanin. Ai do të bashkëbisedojë me liderët e mëdhenj të besimit fetar të kombit tonë, ku ndër të tjerë mund të përmendim: Haxhi Naim Tërnava, Myftiu i Madh i Kosovës; Myftiu i Madh i Maqedonisë së Veriut, Reisul-Ulema Efendi Shaqir Fetahu; Reisi i Madh i Republikës së Malit të Zi, Reis Rifat Fejziq; kryetari i Komunitetit Mysliman të Shqipërisë, Bujar Spahiu; Kryegjyshi Botëror, Shenjtëria e Tij Haxhi Dede Edmond Brahimaj; si dhe akademikë, profesorë, teologë, myftinj, kryemadhë etj.

Bashkëbisedimi fokusohet në mënyrën se si ata e përjetojnë këtë vit, muajin e shenjtë të Ramazanit, të inkuadruar në këtë 35-vjetor të lirisë së besimit. Besimi, 35 vjet më parë, luajti një rol të madh në identitetin e kombit. Të gjithë ata njerëz i luteshin Zotit në ato vite ku besimi në Shqipëri ishte i ndaluar, por dashurinë për Zotin nuk e mohuan kurrë. Ata e mitizuan besimin tonë me kombin dhe falë këtij mitizimi, sot pas 35 vitesh kujtojnë atë persekutim të egër të terrorit komunist, kohën kur nuk ishin të lirë, as flisnin, e kur xhamitë, kishat dhe teqetë ishin të mbyllura.

Në këtë 35-vjetor, ata përkujtojnë lirinë që iu kishte munguar. Gazetari, në bashkëpunim me ta, tregon se si ky muaj i Ramazanit gërshetohet mjaft mirë me dashurinë e madhe për Krijuesin e Gjithësisë, por edhe me dashurinë për besimin dhe kombin, gjë që çoi në ruajtjen e paqes dhe dashurisë tek ata që kurrë nuk e humbën besimin te Zoti. Gazetari udhëton nëpër të gjitha trevat e kombit tonë si në Tuz, Dibër, Ulqin, Rozhajë, Podgoricë, Prizren, Prishtinë, Shkup, Tetovë, Gostivar dhe Manastir. Ai i lidh të gjitha bisedat me historinë e vendeve dhe mënyrën se si Islami në ato treva u gërshetua bukur me dashurinë për Zotin; si për shembull në Manastir, ku u mblodhën, u bashkuan dhe shkruan alfabetin tonë shqip, sinonimin e kombit tonë.

Emisioni i Samarxhiut do të transmetohet çdo ditë në CNA TV në orën 20:00 dhe do të shfaqet në të gjitha trevat e Ballkanit, në të gjitha qytetet ku u kryen xhirimet. CNA TV mbetet gjithmonë pranë komuniteteve fetare, duke transmetuar emisione dhe mbulime "live" që promovojnë bashkëjetesën dhe vlerat shpirtërore.

Ndiqni çdo mbrëmje CNA TV, në orën 20:00, për të përjetuar atmosferën dhe urtësinë e Ramazanit përmes bisedave të gazetarit Ferdinand Samarxhi./CNA