E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Ndahet nga jeta ylli i skenës së cirkut shqiptar, Vitore Sallaku

9 Qershor 2022, 13:04, Kulturë CNA

Cirku është në zi. Artistja e madhe, akrobatja, Vitore Sallaku, është ndarë nga jeta.

Sallaku është një ndër pionieret e cirkut shqiptar së bashku me bashkëshortin Skënder Sallaku, i cili ka humbur jetën më herët.

Vitore Sallaku është nderuar me dy tituj “Artisten e Merituar” dhe “Mjeshtre e madhe e punës”.

Vitore Sallaku që në moshën 11-vjeçare ka qenë pjesëtare e trupës së cirkut, duke dhënë një kontribut maksimal, si brenda edhe jashtë vendit.

Pas shkëputjes nga skena, ajo u bë ndër pedagoget e para të studios së cirkut.

Në shenjë mirënjohjeje të aktivitetit të saj artistik në shërbim të artit, i janë akorduar Medalje dhe Urdhra Pune, gjithashtu edhe titujt “Artiste e Merituar” dhe “Mjeshtre e Madhe e Punës”.

Akrobate, por edhe krijuese.

Ndoshta është ndër gratë e pakta që qysh në vogëli mbante shënime.

Në krijimtarinë e saj ajo numëron 6 libra, një prej të cilit ia dedikon bashkëshortit të saj “Artistit të Popullit”, Skënder Sallaku. Mban titujt “Artiste e Merituar” dhe “Mjeshtre e madhe e Punës”. Takimet e mia me të janë të shpeshta dhe plot emocion.

Jeta e saj në cirk

Vitore Sallaku lindi në Tiranë. Ka mbaruar Institutin e Kulturës Fizike “Vojo Kushi”. Ka kryer dy specializime, për katër muaj në ish-BS dhe një vit në Kinë.

Pasioni i saj ishin qëndisja dhe leximi.

Vitore Sallaku është një emër shumë i njohur në artin fisnik e të guximshëm të cirkut. “Artistja pa kocka me dhimbje deri në kockë”, apo “Artistja që sfidoi kohën”, këta janë dy nga titujt e artikujve të shumtë që janë shkruar për Vitoren.

Ajo është një ndër personalitetet artistike që së bashku me cirkun u rrit edhe vetë.

E veçanta e saj ishte plastika, format që merte trupi gjatë lëvizjeve çdo ditë bëheshin më interesante. Prirjet e saj në drejtim të këtij arti vinin duke u shtuar.

Talenti i saj i rrallë u shpalos që me aktivizimet e para me grupet e pionierëve.