web counter
LEXO PA REKLAMA!

SHKARKO APP

App Store
Google Play

E fundit!

x

"In Memoriam" për Ismail Kadarenë/ Përkujtohet gjeniu i letrave

29 Janar 2025, 14:16, Kulturë CNA

"In Memoriam" për Ismail Kadarenë/ Përkujtohet gjeniu i

“In Memoriam për Ismail Kadarenë”.

Ka qenë ky aktiviteti i mbajtur mbrëmjen e djeshme në shtëpinë muze të shkrimtarit i cili do të shënonte 89-vjetorin e lindjes.

Jetona Koçibelli tha për mediat se ky takim gjithpërfshirës i miqve të tij, personaliteteve, por edhe miqve të veprës së tij ishte i rëndësishëm që të gjithë ta njohin në çdo këndvështrim gjeniun e letrave shqipe.

“Për ne është kënaqësi e veçantë që vijmë në Gjirokastër në vendlindjen e të madhit Ismail Kadare dhe në shtëpinë e tij kaq të madhe dhe po kaq intime. Eshtë viti i parë që ne festojmë ditëlindjen e tij pa të dhe ndaj kemi vendosur që ta kujtojmë, të bëjmë një “In Memoriam” ku të gjithë ata që e kanë njohur, vetë gjirokastritëve, ne ta kujtojmë dhe të rrëfejmë nga jeta e vepra dhe tij.

Vepra e tij do t’i mbetet kohës, gjeneratave të reja dhe do t’i mbetet botës. Është një vepër që rrëfen shumë për identitetin tonë shqiptar”, tha ajo.

Bujar Hudhri botuesi i Kadaresë zgjodhi të ndajë në këtë ditëlindje cilësitë e shkrimtarit. Momente të rëndësishme që prekën dhe lanë gjurmë tek ai si një nga njerëzit që i qëndroi me pranë dhe i besoi krijimtarinë.

“Është shumë prekëse të jem këtu sot. Unë kam pasur fatin ta njoh prej vitesh gjatë kohës që kjo shtëpi në ‘99 u dogj. Ai e mori vesh teksa ishim në Kosovë dhe më kujtohet qëndrimi i tij dinjitoz, as nuk e vrau mendjen sepse ai shikonte se çfarë po hiqnin shqiptarët e Kosovës nga serbët dhe nuk e vriste mendjen për shtëpine e tij duke parë që mijëra shtëpi po digjeshin atje”, tha ai.

Ismail Kadare ndërroi jetë më 1 korrik të vitit të shkuar, ndërsa ishte dhe mbetet një nga shkrimtarët më të mëdhenj bashkëkohorë./ CNA





17:13 Kulturë

LAMTUMIRË LEGJENDË

Ish-futbollisti i Kombëtares dhe i disa klubeve në Shqipër...

08:57 Kulturë

DJALI ME BIÇIKLETË

Kur hapa derën para m’u shfaq goca. Herë pas here ajo sa d...

08:25 Kulturë Agim Xhafka

NË PESHKIM

Gjithë të moshuarit e pallatit në Korçë i kishim të lezets...

Lajmet e fundit nga