web counter
LEXO PA REKLAMA!

SHKARKO APP

App Store
Google Play

U hodh në kanionet e Osumit/ Vijon operacioni për gjetjen e 42-vjeçarit 

22 Shkurt 2026, 14:00, Kronika CNA

U hodh në kanionet e Osumit/ Vijon operacioni për gjetjen e

Operacioni për gjetjen e shtetasit I. K., 42 vjeç, i dyshuar se mund të jetë hedhur në Kanionet e lumit Osum, vazhdon me kërkime intensive.

Ndërkohë, gjatë operacionit, një kërkues vullnetar, 22-vjeçari Xh. K., mbeti i bllokuar pas përmbysjes së gomones me të cilën lëvizte.

Ai ishte angazhuar vullnetarisht për të ndihmuar në kërkimin e trupit të 42-vjeçarit.

Operacioni i shpëtimit, i udhëhequr nga Drejtoria e Policisë Berat dhe i mbështetur nga RENEA, alpinistët, Ushtria dhe shërbimi i urgjencës, mundi të nxjerrë 22-vjeçarin nga terreni i vështirë pas disa orësh ndërhyrjeje.

Ai është në gjendje të mirë shëndetësore, ndërsa vijojnë kërkimet për gjetjen e 42 vjeçarit.

Njoftimi i Policisë 

Vijon operacioni për gjetjen e 42-vjeçarit, me kërkime intensive përgjatë lumit Osum.

Ndërkohë, u shpëtua pas disa orësh 22-vjeçari që ishte bllokuar në Kanionet e Osumit, i cili ishte angazhuar vullnetarisht për gjetjen e trupit të shtetasit I. K.

Gjatë operacionit për gjetjen e trupit të shtetasit I. K., 42 vjeç, i cili dyshohet se mund të jetë hedhur në Kanionet e lumit Osum, një kërkues vullnetar i angazhuar në ndihmë të autoriteteve u bllokua në zonën e kanioneve.

Rreth orës 17:00 të datës 21.02.2026, shtetasi Xh. K., 22 vjeç, i cili ishte bashkuar në mënyrë vullnetare me grupin e kërkimit për gjetjen e 42-vjeçarit, mbeti i bllokuar pasi gomonia me të cilën po lëvizte u përmbys.

Menjëherë u organizua operacioni i shpëtimit, i koordinuar nga Drejtoria Vendore e Policisë Berat, në bashkëpunim me forcat e RENEA, alpinistët e Federata e Kërkim Shpëtimit Malor të Shqipërisë, Forcat e Ushtrisë, shërbimin e Urgjencës së Spitalit Skrapar, si dhe me mbështetjen e komunitetit të Çorovodës.

Pas disa orësh ndërhyrjeje në një terren shumë të vështirë, në orën 04:45 të  mëngjesit të datës 22.02.2026, kërkuesi vullnetar u nxor nga shkëmbi ku kishte mbetur i izoluar dhe ndodhet në gjendje të mirë shëndetësore.

Operacioni për gjetjen e 42-vjeçarit vijon./ CNA

 

 

 

 

 





Lajmet e fundit nga