web counter
LEXO PA REKLAMA!

SHKARKO APP

App Store
Google Play

U kap duke transportuar 10 kg kanabis me qëllim shitjen/ Arrestohet 42-vjeçari në Tiranë

21 Shkurt 2026, 11:56, Kronika CNA

U kap duke transportuar 10 kg kanabis me qëllim shitjen/ Arrestohet

Një 42-vjeçar është kapur në flagrancë në Unazë të Madhe në Tiranë, duke transportuar 10 kilogramë kanabis me qëllim shitjen.

Në pranga është vënë shtetasi V.Sh. Bëhet me dije se gjatë kontrollit në banesën e tij janë gjetur dhe sekuestruar edhe 2 armë zjarri pistoletë, 2 silenciatorë dhe municion luftarak.

Njoftimi i policisë:

Tiranë/Finalizohet operacioni policor i koduar “Ndalesa”, për goditjen e veprimtarive kriminale në fushën e narkotikëve dhe të armëmbajtjes pa leje.

Sekuestrohen 10 kg kanabis, 2 armë zjarri pistoletë, 2 silenciator dhe municion luftarak, vihet në pranga 42-vjeçari.

42-vjeçari u kap në flagrancë nga shërbimet e Policisë, në Unazë të Madhe, duke transportuar 10 kg kanabis me qëllim shitjen.

Specialistët për Hetimin e Krimeve të Komisariatit të Policisë Nr. 4, në vijim të punës për goditjen e veprimtarive kriminale në fushën e narkotikëve, bazuar në informacionet e siguruara në rrugë operative, për një shtetas që po transportonte lëndë narkotike me automjet dhe posedonte sende të kundërligjshme në banesë, organizuan dhe finalizuan operacionin policor të koduar “Ndalesa”.

Si rezultat i operacionit, u arrestua në flagrancë shtetasi V. Sh., 42 vjeç, banues në Tiranë.

42-vjeçari u ndalua nga shërbimet e Policisë, në Unazë të Madhe, duke qarkulluar me një automjet, në të cilin gjatë kontrollit u gjetën, në total, 10 kg lëndë e dyshuar narkotike kanabis, që dyshohet se e posedonte me qëllim shitjen.

Më tej, gjatë kontrollit të banesës së tij, iu gjetën dhe sekuestruan 2 armë zjarri pistoletë, 2 silenciator dhe municion luftarak.

Materialet procedurale i kaluan Prokurorisë, për veprime të mëtejshme. /CNA





Lajmet e fundit nga