web counter
LEXO PA REKLAMA!

SHKARKO APP

App Store
Google Play

Vrasja në Manëz për një kafe/ Vetëdorëzohet njëri nga të kërkuarit

21 Shkurt 2026, 12:23, Kronika CNA

 Vrasja në Manëz për një kafe/ Vetëdorëzohet

Një nga personat e shpallur në kërkim për vrasjen e ndodhur në tetor të vitit të kaluar në Manëz të Durrësit, është vetëdorëzuar në polici.

Gjykata e Durrësit kishte caktuar ndaj 31-vjeçarit masën e sigurimit “Arrest në burg” për veprat penale “Mbajtja pa leje dhe prodhimi i armëve, i armëve shpërthyese dhe municioneve” dhe “Përkrahja e autorit të krimit”.

Njoftimi i policisë:

Durrës

Specialistët e Seksionit për Hetimin e Krimeve ndaj Personit në Drejtorinë Vendore të Policisë Durrës ekzekutuan vendimin e Gjykatës së Shkallës së Parë të Juridiksionit të Përgjithshëm Durrës, të datës 13.11.2025, e cila ka caktuar në mungesë masën e sigurimit “Arrest në burg” ndaj shtetasit G. A., 31 vjeç, banues në Manëz, Durrës, për veprat penale “Mbajtja pa leje dhe prodhimi i armëve, i armëve shpërthyese dhe municioneve” dhe “Përkrahja e autorit të krimit”.

Shtetasi G. A. ishte shpallur në kërkim, i dyshuar si i përfshirë në ngjarjen e ndodhur në tetor 2025, në Manëz, Durrës, ku mbetën të vrarë me armë zjarri dy shtetas.

Ky shtetas është vetëdorëzuar në DVP Durrës.

Gjithashtu, ky shtetas ka dorëzuar një send në dukje pistoletë (armë sportive me gogla), duke deklaruar se këtë e kishte me vete ditën e ngjarjes.

Materialet shtesë i kaluan Prokurorisë së Juridiksionit të Përgjithshëm Durrës, për veprime të mëtejshme.

Kujtojmë se ngjarja e rëndë ndodhi më 22 tetor në Manëz të Durrësit, ku një debat me kamerierin për një kafe në një lokal përfundoi me dy viktima.

Vrasja ndodhi pranë një karburanti rreth orës 01:45, ku 33-vjeçari Flori Paluçi ka vrarë me armë zjarri 23-vjeçarin Aranit Kurti. Më pas ndaj 33-vjeçarit ka qëlluar 21-vjeçari Daniel Pepa, duke e lënë të pajetë. /CNA





Lajmet e fundit nga