web counter
LEXO PA REKLAMA!

SHKARKO APP

App Store
Google Play

E fundit!

x

Rëndohet gjendja shëndetësore e 14-vjeçarit/ I mituri niset drejt Traumës, detaje nga sherri në Korçë

9 Tetor 2023, 08:38, Kronika CNA

Rëndohet gjendja shëndetësore e 14-vjeçarit/ I mituri

Të tjera detaje dalin në dritë nga plagosja e të riut në Korçë, pas një sherri me sende të forta.

Gjendja e të miturit të plagosur është e rëndë, bëjnë të ditur burime për CNA nga spitali. I riu ka marrë dëmtime në kokë dhe është nisur drejt spitalit të Traumës në Tiranë për mjekim të specializuar.

Burime nga policia i thanë CNA se konflikti ndodhi mes një grup të miturish, më konkretisht një grup nga një lagje me një grup nga lagje tjetër.

Fillimisht sherri ka filluar në biseda telefonike, ku janë sharë e ofenduar me njëri tjetrin, e më pas ka degraduar në dhunë fizike. 14-vjeçari është goditur me dru në kokë.

Rëndohet gjendja shëndetësore e 14-vjeçarit/ I mituri
Foto nga vendngjarja

Deri më tani, gjatë gjithë natës, në polici janë shoqëruar më tepër se 10 persona (të mitur dhe dëshmitarë okularë nga vendi i ngjarjes), të cilët po merren në pyetje mbi rastin e ndodhur.

Shkaku ende nuk dihet, ndërsa situata mbetet e komplikuar për shkak të përfshirjes së disa të miturve në këtë ngjarje./ CNA





Lajmet e fundit nga