LEXO PA REKLAMA!

SHKARKO APP

App Store
Google Play

E fundit!

x

Me drogë, qese farmaceutike dhe peshore në shtëpi/ Arrestohet 39-vjeçari në Tiranë

3 Shkurt 2023, 11:43, Kronika CNA

Me drogë, qese farmaceutike dhe peshore në shtëpi/ Arrestohet

Policia ka arrestuar një 39-vjeçar në Tiranë, të cilit gjatë kontrollit në banesë iu gjetën 540 gramë lëndë narkotike kanabis.

Po ashtu në banesën e J.(K.) S., 39 vjeç, janë gjetur qese farmaceutike dhe peshore elektronike, për të ndarë në doza sasitë e mëdha të lëndës narkotike.

“Specialistët e Seksionit për Hetimin e Narkotikëve të DVP Tiranë, në vijim të punës për kapjen dhe vënien përpara përgjegjësisë ligjore të shtetasve që ushtrojnë veprimtari kriminale në fushën e narkotikëve, bazuar dhe në informacionet e siguruara përmes inteligjencës informative, kanë organizuar dhe finalizuar operacionin policor të koduar “Procesi”. 

Si rezultat i këtij operacioni u arrestua në flagrancë shtetasi J.(K.) S., 39 vjeç, banues në Tiranë.

Gjatë kontrollit të ushtruar në banesën e këtij shtetasi, në rrugën “Ramazan Kasa”, shërbimet e Policisë kanë gjetur rreth 540 gramë lëndë të dyshuar narkotike cannabis sativa, 1 peshore elektronike dhe qindra qese farmaceutike për ndarjen në doza të lëndëve narkotike, të cilat u sekuestruan në cilësinë e provës materiale, së bashku me një aparat celular.

Vijojnë veprimet hetimore për dokumentimin e plotë të veprimtarisë kriminale të këtij shtetasi”, njofton Prokuroria./CNA.al

Lajmet e fundit nga