Makina doli nga rruga/ Kush është 31-vjeçari që humbi jetën nga aksidenti në Kapshticë

1 Korrik 2022, 17:37, Kronika CNA
Makina doli nga rruga/ Kush është 31-vjeçari që humbi
Foto nga vendngjarja

Policia ka dalë me një reagim zyrtar pas aksidentit tragjik në aksin rrugor Bilisht-Kapshticë.

Sipasojë e aksidentit ka humbur jetën 31-vjeçari Arjan Shtika nga fshati Hoçisht i Devollit, ndërsa është plagosur dhe një tjetër, pasagjer.

Mësohet se aksidenti ka ndodhur pasi makina ka rrëshkitur në rrugë për shkak të lagështirës, është batuar në rrugë dhe është përplasur me barrierat, drejtuesi i mjetit ka vdekur në vend.

Njoftimi i Policisë:

Më datë 01.07.2022, rreth orës 16:50, jemi njoftuar se në aksin rrugor Bilisht-Kapshticë, në afërsi të fshatit Kapshticë, Devoll, shtetasi A. Sh., rreth 31 vjeç, banues në fshatin Hoçisht, Devoll, duke drejtuar mjetin tip “Hyundai”, dyshohet se ka humbur kontrollin e mjetit dhe ka dalë nga rruga. Për pasojë ka ndërruar jetë drejtuesi A. Sh. dhe është dëmtuar pasagjeri shtetasi A. B., i cili ndodhet në Spitalin e Bilishtit jashtë rrezikut për jetën. Grupi hetimor po punon për sqarimin e rrethanave dhe përcaktimin e shkaqeve të daljes nga rruga të automjetit./E.T-CNA.al

 

Lajmet e fundit nga