web counter
LEXO PA REKLAMA!

SHKARKO APP

App Store
Google Play

Lëvizte i dehur me kallashnikov me vete/ Arrestohet 40-vjeçari në Fier

7 Gusht 2023, 10:26, Kronika CNA

Lëvizte i dehur me kallashnikov me vete/ Arrestohet 40-vjeçari

Një 40-vjeçar është arrestuar në flagrancë teksa lëvizte me kallashnikov me vete, në qendër të Libofshës.

Përmes një njoftimi zyrtar blutë bëjnë me dije se sapo shtetasi me inicialet E. Gj., 40 vjeç, ka konstatuar praninë e patrullës së Policisë, ka hedhur armën e zjarrit në një kanal.

Ndër të tjera oilicia deklaron se në momentin e arrestimit, 40-vjeçari ishte në gjendje të dehur, rrethanë e cila rrit rrezikshmërinë e posedimit të armës së zjarrit.

“Si rezultat i kontrolleve të mbështetura nga informacionet e siguruara prej inteligjecës policore, si dhe nga bashkëpunimi i ngushtë i qytetarëve, me qëllim parandalimin e ngjarjeve kriminale dhe arrestimin e shtetasve që posedojnë armë zjarri, për këtë qëllim, shërbimet e Komisariatit të Policisë Fier kanë organizuar dhe finalizuar operacionin policor të koduar “Vigjilenca”, si rezultat i të cilit u arrestua në flagrancë shtetasi E. Gj., 40 vjeç, banues në Fier.

Shërbimet e Policisë e kapën 40-vjeçarin, në qendër të fshatit Libofshë, teksa mbante me vete 1 armë zjarri kallashnikov me fishek në fole, të gatshme për qitje. Ky shtetas, sapo ka konstatuar praninë e patrullës së Policisë, ka hedhur armën e zjarrit në një kanal.

Nga verifikimet e kryera ka rezultuar se 40-vjeçari në momentin e arrestimit, ishte në gjendje të dehur, rrethanë e cila rrit rrezikshmërinë e posedimit të armës së zjarrit.

Arma e zjarrit dhe fishekët luftarak u gjetën dhe u sekuestruan në cilësinë e provës materiale, nga shërbimet e Policisë.”-thuhet në njoftimin e policisë./CNA.al

 





Lajmet e fundit nga