web counter
LEXO PA REKLAMA!

SHKARKO APP

App Store
Google Play

Tentoi të vidhte bankën tek Unaza e Re, arrestohet 23-vjeçari në Tiranë

7 Gusht 2023, 09:50, Kronika CNA
Tentoi të vidhte bankën tek Unaza e Re, arrestohet 23-vjeçari
Policia e Shtetit

Të hënën, Policia e Tiranës ka arrestuar 23-vjeçarin me iniciale E.I, i cili tentoi të vidhte në një filial banke në zonën e Unazës së Re.

I riu është arrestuar në  rrugën "Teodor Keko" në kryqytet gjatë tentativës për të grabitur bankën. Mbi të rëndojnë veprat penale "Vjedhja e bankave dhe arkave të kursimit", mbetur në tentativë, dhe "Shkatërrimi i pronës".

Njoftimi i Policisë:

Shërbimet e Komisariatit të Policisë Nr. 6, në vijim të punës për goditjen e veprimtarisë kriminale në fushën e vjedhjes së pronës dhe pasurisë, bazuar dhe më informacionet e marra në rrugë operative se një shtetas, në rrugën "Teodor Keko", në Unazë të Re, po tentonte të vidhte në një filial banke, kanë organizuar menjëherë punën për kapjen e autorit të dyshuar dhe vënien e tij përpara përgjegjësisë ligjore.

Si rezultat i punës së mirëorganizuar është kapur në flagrancë nga shërbimet e Policisë, në rrugën "Teodor Keko", shtetasi E. I., në tentativë për të vjedhur në një filial banke.

Në përfundim të veprimeve u bë arrestimi në flagrancë i shtetasit E. I., 23 vjeç, banues në Tiranë, për veprat penale "Vjedhja e bankave dhe arkave të kursimit", mbetur në tentativë, dhe "Shkatërrimi i pronës".

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

 

 





Lajmet e fundit nga