web counter
LEXO PA REKLAMA!

SHKARKO APP

App Store
Google Play

Dhunimi i ish-kreut të PD-së në Dajç/ Policia e Lezhës me reagim zyrtar

11 Maj 2026, 09:46, Kronika CNA

Dhunimi i ish-kreut të PD-së në Dajç/ Policia e

Policia e Lezhës ka dalë me reagim zyrtar për dhunimin e ish-kryetarit të degës së PD-së në Dajç të Lezhës, Sokol Tomës.

Ngjarja bëhet me dije se ka ndodhur në orën 22:00 të 9 majit në autostradën Mamurras-Laç, në afërsi të kryqëzimit të Sanxhakut.

Shtetas të paidentifikuar kanë dhunuar 53-vjeçarin dhe i kanë shkaktuar dëmtime në trup. Grupi hetimor ka nisur hetimet për zbardhjen e ngjarjes, ku ka sekuestruar pamjet filmike të kamerave dhe po punon për identifikimin dhe kapjen e autorëve.

Njoftimi i policisë:

Në lidhje me ngjarjen e ndodhur rreth orës 22:00 të datës 09.05.2026, në autostradën “Mamurras–Laç”, në afërsi të kryqëzimit të Sanxhakut, ku shtetas ende të paidentifikuar, kanë goditur me sende të forta, shtetasin S. T., 53 vjeç, banues në Lezhë, të cilit i kanë shkaktuar dëmtime në trup, sqarojmë se:

Menjëherë pas njoftimit, kanë shkuar në vendngjarje shërbimet e Policisë dhe grupi hetimor.

Grupi hetimor, në drejtimin e Prokurorisë, po vijon veprimet intensive, ka sekuestruar pamjet filmike të kamerave në një territor të gjerë, dhe po kryen një sërë veprimesh të tjera hetimore me qëllim zbardhjen e rrethanave, identifikimin dhe kapjen e autorëve. /CNA





Lajmet e fundit nga