web counter
LEXO PA REKLAMA!

SHKARKO APP

App Store
Google Play

E fundit!

x

Goditen tri subjekte këmbimi valutor pa licencë/ Nën hetim pronarët, sekuestrohen mijëra euro

6 Maj 2026, 14:14, Kronika CNA

Goditen tri subjekte këmbimi valutor pa licencë/ Nën hetim

Tri subjekte ku kryhej këmbim valutor pa licencë janë zbuluar dhe goditur nga policia në Tiranë. Sipas informacioneve policore janë vënë nën hetim 3 pronarët e subjekteve.

Ndërkohë bëhet me dije se janë sekuestruar dhjetëra mijëra euro. Kontrollet dhe verifikimet ndaj shtetasve dhe në subjekte vijojnë.

Njoftimi i policisë:

Policia e Tiranës/Vijon zbatimi i planit të posaçëm të masave për goditjen e rasteve të ushtrimit të aktiviteteve ekonomike, në kundërshtim me ligjin.

Konstatohet se ne 3 subjekte kryhej këmbim valutor, pa licencë.

Dje, Policia e Tiranës, në zbatim të këtij plani, goditi dhe 2 raste në këtë fushë.

Vihen në hetim 3 pronarët e subjekteve.

Sekuestrohen 45 000 euro, 7000 dollarë, 3000 paunde dhe 1 500 000 lekë.

Specialistët e Seksionit për Hetimin e Pastrimit të Parave dhe Aseteve Kriminale, në vijim të kontrolleve të kryera në zbatim të planit të posaçëm të masave “Për goditjen e aktiviteteve të paligjshme”, evidentuan 3 raste të tjera të këmbimit të valutave, nga subjekte të palicencuara për këtë aktivitet.

Për këto raste u referuan materialet në Prokurori, ku nisi procedimi penal për 3 pronarët e subjekteve në rrugët “Abdyl Frasheri”, “Sokrat Miho” dhe “Sulejman Delvina”, shtetasit O. L., 31 vjeç, E. P., 35 vjeçe dhe M. D., 40 vjeç.

Kontrollet dhe verifikimet ndaj shtetasve dhe në subjekte, vijojnë.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga