web counter
LEXO PA REKLAMA!

SHKARKO APP

App Store
Google Play

GJKKO nuk i dha leje Belerit për tu betuar si kryebashkiak/ Greqia: Respektoni të drejtën

26 Qershor 2023, 17:03, Kronika CNA

GJKKO nuk i dha leje Belerit për tu betuar si kryebashkiak/ Greqia:

GJKKO rrëzoi sot kërkesën për të lejuar Fredi Belerin që të dalë nga qelia për tu betuar si kryetar i Bashkisë së Himarës.

Për këtë vendim ka reaguar Ministria e Jashtme greke, e cila pretendon se autoritetet shqiptare duan të privojnë Belerin, pa një dënim përfundimtar dhe pa u akuzuar, nga detyra e kryetarit të Bashkisë.

Greqia deklaron se Shqipëria duhet të respektojë shtetin e së drejtës dhe të drejtën e pafajësisë deri në zhvillimin e gjyqit.

“Kërkesa e kryebashkiakut të zgjedhur të Himarës, Fredi Beleris, për të marrë një leje të posaçme, në mënyrë që të jetë pjesëmarrës nesër në mbledhjen e parë të Këshillit të ri Bashkiak, si dhe të bëjë betimin dhe të marrë zyrtarisht detyrën, u rrëzua sot.

Ky refuzim tregon tani, pa asnjë dyshim, se qëllimi i autoriteteve shqiptare është ta privojnë atë, pa një dënim përfundimtar dhe pa u akuzuar, nga detyra e kryetarit të Bashkisë, në të cilën ai u zgjodh në mënyrë demokratike nga qytetarët e zonës. Si kandidate për anëtarësim në familjen europiane, Shqipëria duhet të respektojë shtetin e së drejtës dhe të drejtën e pafajësisë deri në zhvillimin e gjyqit”, thuhet në reagimin e Ministrisë së Jashtme greke./ CNA.al





Lajmet e fundit nga