“Nuk ta fal tjetri kokën”/ Gazetari hedh hije dyshimi: Kush është grupi që fshihet pas Alma K.

25 Qershor 2023, 16:35, Kronika CNA

“Nuk ta fal tjetri kokën”/ Gazetari hedh hije dyshimi: Kush

Gazetari Ferdinand Dervishi ka deklaruar se videoskandali që çoi pas hekurave ish kryebashkiakun Safet Gjici është bërë përpara zgjedhjeve me qëllim përfitimin e parave përmes shantazhit.

Dervishi thotë se kjo video është përgatitur nga një grup njerëzish dhe një nga qëllimet e saj ishte të përdorej për zgjedhje, të fitonte kandidati i opozitës.

Sipas tij vajza ka të ngjarë të jetë paguar shumë për këtë video, dhe prej kësaj videoje është tentuar të nxirret para.

“Kjo video është përgatitur nga një grup njerëzish dhe një nga qëllimet e saj ishte të përdorej për zgjedhje, të fitonte kandidati i opozitës. Kandidati i opozitës nuk e ka pranuar. Ky grup njerëzish a e ka paguar vajzën? Pasi ajo po bënte një gjë që është shumë e rrezikshme.

Pasi po të futemi në mentalitetin shqiptar tjetri nuk të fal edhe kokën, po t’i futesh dhe t’i shkatërrosh të gjithë karrierën dhe të gjithë jetën. Në realitetin shqiptar por dhe në botë në momentin që t’i më kërcënon jetën dhe të ardhmen time t’i je e rrezikuar të goditesh prej meje, të eleminohesh përpara se të më shkatërrosh.

Kjo vajzë ka marrë një vepër shumë të rrezikshme për jetën e saj. Kush janë njerëzit që fshihen pas saj? Se nuk vajti kjo vajzë te kandidati i opozitës për t’i dhënë videon.

Vajza ka të ngjarë të jetë paguar shumë fort për këtë video, dhe prej kësaj videoje është tentuar të nxirret para.

Më e besueshme është që kjo i është ofruar Safetit dhe s’është çudi që Safeti të ketë paguar. Kur doli video, video duket sikur është vjedhur, është filmuar nga lart”, tha Dervishi.

Më tej Dervishi zbulon se Alma K. është terrorizuar pas publikimit videos, pasi mund t’i jetë premtuar se kjo video nuk do të shfaqej kurrë në publik.

Gazetari nënvizon se pas realizimit të videos qëndron një grup njerëzish me qëllime të caktuara dhe nëse për këtë histori do të thelloheshin pak më tepër hetimet, do shikonim “kërcitje të forta prangash”, pasi sipas gazetarit, në këtë ngjarje mund të jenë përfshirë figura që ne tashmë mund t’i njohim.

“Safet Gjici, nuk po fshihej, ndërsa vajza ka qenë e terrorizuar. Po pse ka qenë kaq e terrorizuar vajza? E sigurt që vajzës i është premtuar që kjo video nuk do dilte në publik, se atë kjo video e shkatërronte, siç e ka shkatërruar.

Ky është një argument më tepër që çon se kjo video është nga fillimi në krye, e organizuar nga një grup i organizuar njerëzish, me qëllime të përcaktuara, që mund të jenë nga shkatërrimi politik i Gjicit dhe humbja e zgjedhjeve, deri te përfitimi monetar përmes kësaj videoje.

Vajzës i është premtuar që kjo video nuk do dali kurrë, sepse kjo video do shitet, ndaj dhe ajo është kaq e terrorizuar pas publikimit. Një hetim i thellë i kësaj ngjarje do nxjerrë persona të tjerë nga mbrapa dhe do shikojmë kërcitje prangash shumë të forta të personazheve që edhe mund t’i njohim”, tha gazetari Ferdinand Dervishi në një intervistë televizive.