E fundit!

14:34 Aktualitet

Edmond Spaho: Edi Rama nuk duhet të japë dorëheqjen

Ish-nënkryetari dhe ish-deputeti i Partisë Demokratike, Ed...

Çfarë ndodhi në Kuçovë?/ Efektivi plagoset gjatë shoqërimit të një personi

18 Maj 2026, 21:24, Kronika CNA

Çfarë ndodhi në Kuçovë?/ Efektivi plagoset

Një punonjës policie është plagosur mbrëmjen e sotme në Kuçovë me armë zjarri gjatë shoqërimit të një 45-vjeçari.

Sipas informacioneve policore, ngjarja ka ndodhur ndërsa policia po kryente shoqërimin e shtetasit Z. S., i dyshuar për veprën penale “Prishja e qetësisë publike” nga Komisariati i Fierit te ai i Kuçovës.

Gjatë shoqërimit, 45-vjeçari i ka marrë armën e shërbimit policit A.T., 20 vjeç dhe e ka plagosur. Efektivët e tjerë neutralizuar 45-vjeçarin dhe i morën armën. Gjatë kontrollit fizik i është gjetur dhe lëndë narkotike.

Ndërkohë efektivi i plagosur u transportua në spital për ndihmë mjekësore dhe ndodhet jashtë rrezikut për jetën. Grupi hetimor dhe AMP-ja, po punojnë për sqarimin e plotë të rrethanave të ngjarjes dhe për të verifikuar zbatimin e procedurave standarde të shoqërimit të personave nga ana e Patrullës së Policisë.

Njoftimi i plotë:

Kuçovë/Informacion paraprak

Rreth orës 19:00, shërbimet e Komisariatit të Policisë Kuçovë po kryenin shoqërimin e shtetasit Z. S., 45 vjeç, banues në Kuçovë, nga Komisariati i Policisë Fier drejt ambienteve të Komisariatit të Policisë Kuçovë, i dyshuar për veprën penale “Prishja e qetësisë publike”.

Gjatë shoqërimit, shtetasi Z. S, është konfliktuar me punonjësin e Policisë shtetasin A.T., 20 vjeç, dhe gjatë konfliktit i ka marrë armën e shërbimit punonjësit të Policisë dhe e ka plagosur.

Patrulla e Policisë e ka neutralizuar dhe i ka marrë armën shtetasit Z. S., ndërsa punonjësi i Policisë është transportuar për ndihmë mjekësore në spital dhe ndodhet jashtë rrezikut për jetën.

Gjatë kontrollit fizik, shërbimet e Policisë i gjetën të fshehur në trup një sasi lënde narkotike të dyshuar kokainë.

Grupi hetimor dhe Agjencia e Mbikëqyrjes Policore, nën drejtimin e Prokurorisë, po punojnë për sqarimin e plotë të rrethanave të ngjarjes dhe për të verifikuar zbatimin e procedurave standarde të shoqërimit të personave nga ana e Patrullës së Policisë. /CNA