LEXO PA REKLAMA!

SHKARKO APP

Arrestohet në Dubai i shumëkërkuari Denis Bajri/ Akuzohet për vrasje

27 Shkurt 2024, 10:45, Kronika CNA

Arrestohet në Dubai i shumëkërkuari Denis Bajri/ Akuzohet

Arrestohet në Dubai, Denis Bajri Brajoviç. 

Raportohet se ndaj 36-vjeçarit autoritetet shqiptare kanë vendosur masën e sigurisë  "arrest me burg" në kuadër të operacionit "Metamorfoza", ku falë përgjimeve të SKY-t flet me mbretin e lojërave të fatit, Ervis Martinajn.

Bajri akuzohet se është autor i vrasjes së shtetasit Gjin Ndoji, kryer në gusht të 2020-ës në Shkodër. Ai pritet të ekstradohet drejt Shqipërisë. 

Njoftimi i Policisë: 

Informacioni i siguruar nga strukturat e Policisë së Shtetit dhe i shkëmbyer në kohë reale me partnerët në Emiratet e Bashkuara, mundëson lokalizimin dhe kapjen e një shtetasi të kërkuar ndërkombëtarisht, në kuadër megaoperacionit “Metamorfoza”.

Finalizohet nga Policia në Emiratet e Bashkuara, operacioni policor i koduar “Rishtas”.

36-vjeçari i ndaluar, i akuzuar nga SPAK, për vrasje.

Në vijim të punës së pandërprerë, me objektiv lokalizimin, kapjen dhe vënien në pranga të shtetasve të shpallur në kërkim, strukturat e Policisë së Shtetit kanë siguruar informacion se një shtetas i shpallur në kërkim ndërkombëtar, për vrasje, fshihej në Emiratet e Bashkuara.

Ky informacion i shkëmbyer menjëherë me partnerët, nëpërmjet koordinimit të zyrave të Interpolit, ka mundësuar finalizimin në Emiratet e Bashkuara, të operacionit policor të koduar “Rishtas”, gjatë të cilit u bënë të mundur lokalizimi, kapja dhe vënia në pranga, me qëllim ekstradimin në Shqipëri, e shtetasit D. B., 36 vjeç, lindur në Shkodër.

Ky shtetas është i akuzuar nga SPAK, në kuadër të operacionit policor të koduar “Metamorfoza”, pasi dyshohet si autor i vrasjes së shtetasit Gj. B. (N.), kryer më datë 09.08.2020, në Shkodër.

Vijon bashkëpunimi për të kryer ekstradimin e këtij shtetasi, në Shqipëri./CNA 

Lajmet e fundit nga