web counter
LEXO PA REKLAMA!

SHKARKO APP

App Store
Google Play

AMP ndalon nënkomisarin në Durrës/ Akuzohet për shpërdorim detyre dhe korrupsion

3 Gusht 2023, 18:01, Kronika CNA

AMP ndalon nënkomisarin në Durrës/ Akuzohet për

Një oficer policie me gradën NënKomisar në Drejtorinë Vendore të Policisë Durrës, është ndaluar për korrupsion dhe shpërdorim detyre.

Përmes një njoftimi zyrtar Agjencia e Mbikëqyrjes Policore, bën me dije se se bëhet fjalë për 31-vjeçarin me inicialet A.Xh, pasi dyshohet se ka shfrytëzuar pozicionin dhe ka ushtruar presion ndaj disa qytetarëve që shoqëroheshin me doza narkotike, kundrejt përfitimeve monetare.

NJOFTIMI I PLOTË:

Agjencia e Mbikëqyrjes Policore (Rajoni Durrës – Kavajë) në bashkëpunim me Forcën e Posaçme Operacionale të Drejtorisë së Përgjithshme në AMP dhe Prokurorinë pranë Gjykatës së Shkallës së Parë të Juridiksionit të Përgjithshëm Durrës ka bërë ndalimin në flagrancë të oficerit të policisë N/komisar Ardit Xhafa, 31 vjeç, në Seksionin e Hetimit të Narkotikëve pranë Drejtorisë Vendore të Policisë Durrës.

Ndalimi u krye në funksion të procedimit të regjistruar nga kjo Prokurori mbi dyshimet për kryerjen e veprave penale “Korrupsioni pasiv i personave që ushtrojnë funksione publike” dhe “Shpërdorim i detyrës”.

Nga hetimet e kryera janë arritur të dokumentohen veprimet korruptive të oficerit A.XH., i cili duke keqpërdorur atributet që i jep detyra si oficer në Seksionin e Hetimit të Narkotikëve në DVP Durrës e duke shfrytëzuar pozicionin, ushtronte presion dhe mashtronte shtetasit, që shoqëroheshin me doza narkotike, kundrejt përfitimeve monetare.

Hetimet vazhdojnë deri në dokumentimin e plotë të kësaj veprimtarie të kundraligjshme./CNA.al





Lajmet e fundit nga