web counter
LEXO PA REKLAMA!

SHKARKO APP

App Store
Google Play

Zbardhet vrasja e 32-vjeçares/ Kapen dy autorët, e qëlluan me thikë pasi konsumuan kokainë

3 Gusht 2023, 10:26, Kronika CNA

Zbardhet vrasja e 32-vjeçares/ Kapen dy autorët, e qëlluan me

Policia e Durrësit ka zbardhur vrasjen e 32-vjeçares, e cila u gjet paraditen e të mërkurës e pajetë poshtë urës së Dajlanit.

Blutë kanë bërë të mundur identifikimin, kapjen dhe vënien në pranga në kohë rekord, të 2 autorëve të dyshuar të vrasjes.

Bëhet fjalë për shtetasit me iniciale A. B., 22 vjeç, banues në Lushnjë dhe Y. G., 45 vjeç, banues në Durrës. Ata akuzohen për veprën penale “Vrasja me dashje”, kryer në bashkëpunim.

Nga hetimet e thelluara të kryera menjëherë pas ngjarjes, rezultoi se rreth orës 01:00 të datës 02.08.2023, poshtë urës së Dajlanit, Durrës, 32-vjeçarja është konfliktuar me dy të arrestuarit për motive të dobëta (pasi kanë konsumuar lëndë narkotike kokainë, së bashku me shtetaset B. S., M. M. dhe me një 15-vjeçare).

Gjatë konfliktit, ata kanë goditur me thikë shtetasen L. P., e cila si pasojë ka humbur jetën në vendin ku iu gjet trupi.

Gjithashtu, për këtë rast u referuan materialet në Prokurori ku nisi procedimi në gjendje të lirë për shtetaset B. S., 28 vjeçe, M. M., 26 vjeçe dhe për 15-vjeçaren, për veprën penale “Moskallëzimi i krimit”, pasi kanë qenë prezente gjatë ngjarjes, por asnjëra nuk ka kallëzuar në Polici.

Ndërkaq, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./ CNA.al

 





Lajmet e fundit nga