web counter
LEXO PA REKLAMA!

SHKARKO APP

App Store
Google Play

Vritet bashkëshorti i eurodeputetes italiane

25 Maj 2024, 18:03, Kosova & Bota CNA

Vritet bashkëshorti i eurodeputetes italiane

Angelo Onorato, bashkëshorti i eurodeputetes kristiandemokrate Francesca Donato, u gjet i vdekur në Palermo në makinën e tij.

Raportimet e para ishin se vrasja ishte kryer me armë zjarri por sipas mediave italiane hetuesit e kanë gjetur viktimën me një litar të lidhur në qafë duke ngritur dyhsimet se është mbytur.

Dera e pasme e veturës ishte e hapur, ndërsa viktima ishte ulur në sediljen e drejtuesit. Në trup nuk ka pasur shenja të plagëve me armë zjarri. 

Ka qenë bashkëshortja e tij, eurodeputetja Francesca Donato që ka ngritur alarmin se nuk nuk kishte marrë asnjë lajm prej tij që prej mesditës ku sipërmarrësi kishte një takim me një person dhe pranë Via Ugo La Malfa ku ishte vendi i zgjedhur për të biseduar.

Angelo Onorato pasi mbështeti gruan e tij, Francesca Donato, në fushatën elektorale pesë vjet më parë për zgjedhjet europiane, tentoi një aventurë politike dy vjet më parë ku kandidoi në zgjedhjet rajonale në Siçili duke marrë 846 vota dhe duke u renditur i njëmbëdhjeti midis gjashtëmbëdhjetëve në listë.

Pasi nuk arriti të hynte në Asamblenë siciliane, Onorato kishte rifilluar aktivitetin e tij si sipërmarrës në sektorin e ndërtimit.

Nuk ka ende pista konkrete hetimi nëse vrasja ka të bëjë me aktivitetin privat apo politik të tijin në të kaluarën dhe pozicionin e Francesca Donato si eurodeputete./ CNA





Lajmet e fundit nga