web counter
LEXO PA REKLAMA!

SHKARKO APP

App Store
Google Play

Vatikani nuk do të marrë pjesë në Bordin e Paqes/ Reagimi i parë nga Shtëpia e Bardhë

18 Shkurt 2026, 21:58, Kosova & Bota CNA

Vatikani nuk do të marrë pjesë në Bordin e Paqes/ Reagimi i

Shtëpia e Bardhë ka reaguar pasi Vatikani ka deklaruar se nuk do të marrë pjesë në “Bordin e Paqes” të themeluar nga Presidenti i SHBA-së Donald Trump.

Në një deklaratë për mediat, Sekretarja e shtypit e Shtëpisë së Bardhë, Karoline Leavitt u shpreh se vendimi i Vatikanit ishte thellësisht për të ardhur keq.

“Nuk mendoj se paqja duhet të jetë partiake, politike apo kontraverse. Dhe sigurisht, administrata dëshiron që të gjithë ata që u ftuan të bashkoheshin me bordin e paqes të bashkohen. Kjo është një organizatë legjitime ku ka dhjetëra vende anëtare nga e gjithë bota dhe ne mendojmë se ky është një vendim thellësisht për të ardhur keq”, u shpreh Leavitt.

Ditën e djeshmeKardinali Pietro Parolin, zyrtari më i lartë diplomatik i Vatikanit, ndërsa njoftoi vendimin e Vatikanit për të mos marrë pjesë, tha se përpjekjet për të trajtuar situatat e krizës duhet të menaxhohen nga Kombet e Bashkuara.

Diplomatët, zyrtarët dhe udhëheqësit botërorë gjithashtu kanë shprehur shqetësime në lidhje me zgjerimin e mandatit të bordit, kryesinë e pacaktuar të Trump dhe dëmin e mundshëm që kjo mund të shkaktojë në punën e OKB-së.

Papa Leo ka bërë thirrje të përsëritura për Gazën që nga zgjedhja e tij, duke kërkuar një zgjidhje me dy shtete dhe për të drejtën e palestinezëve për të jetuar në paqe në tokën e tyre. Gjatë luftës Izrael-Hamas, ai kërkoi lirimin e pengjeve të 7 tetorit, mbajti dialog me udhëheqësit e Izraelit dhe është ankuar për rritjen e antisemitizmit. /CNA





Lajmet e fundit nga