web counter
LEXO PA REKLAMA!

SHKARKO APP

App Store
Google Play

E fundit!

x

"Mbrojtjes nuk mund t’i vendoset barra e provës"/ Avokati i Selimit: Prokuroria e paaftë të dallojë pretendimet nga provat

18 Shkurt 2026, 12:09, Kosova & Bota CNA

"Mbrojtjes nuk mund t’i vendoset barra e provës"/ Avokati i

Avokati i Rexhep Selimit ka mbajtur fjalën e tij në ditën e fudit të gjyqit në Hagë.

Në fjalën e mbajtur, avokati Geoffrey Roberts deklaroi se prokuroria është e paaftë të bëjë dallimin mes provave dhe pretendimeve, kjo është sa shqetësuese dhe aq befasuese. Roberts u shpreh se klienti i tij nuk e ka përdorur frazën e pretenduar “luftë speciale”.

Duke iu drejtuar trupës gjykuese, avokati i Selimit u kërkoi të shqyrtojnë çdo dokument që ka përdorur prokuroria për të dalë në përfundim nëse pretendimet e dobëta të paraqitura janë të besueshme.

Më tej, avokati Roberts u shpreh se ZPS kërkon të barazojë mbrojtjen me prokurorinë, por kjo nuk mund të bëhet pasi ka një dallim të madh në barrën e provës.

 

“Paaftësia e prokurorisë për të bërë dallimin mes pretendimeve dhe provave është sa shqetësuese aq edhe befasuese. Mungesë qartësie dhe besimi e prokurorisë në argumentet e saj.

Në lidhje me irrelevancën e frazës 'luftë speciale', kjo frazë nuk është përdorur nga zoti Selimi.

Lutem të shqyrtoni çdo dokument që ka përdorur prokuroria në mënyrë që të dilni në përfundim nëse pretendimet e tyre të dobëta janë të besueshme.

Prokuroria pretendoi se Zyrap ka thënë se inspektori i përgjithshëm kishte autoritet për të ushtruar kontroll të pakufishëm. Sa u takon shënimeve me shkrim dore, prokuroria iu referua paraqitjes së mbrojtjes për ta trajtuar si ekspertizë. Me sa duket ka harruar diçka prokuroria, është barra e saj ta vërtetojë. Nuk mund t’i vendoset mbrojtjes barra e provës. 

Prokuroria përpiqet të na vendosë në të njëjtën anë me ta, por ka një dallim të madh në barrën e provës. Në lidhje me kontributin e Selimit, përgjigjja nga prokuroria ishte se nuk do të tërhiqeshin nga akuzat për Qirezin në lidhje me zotin Selimi. Prokuroria ka ndryshuar narrativën e vet, sa u takon kontributeve të pretenduara të Selimit në NPK është shqetësuese heshtja”, tha Roberts./CNA





Lajmet e fundit nga