web counter
LEXO PA REKLAMA!

SHKARKO APP

Avokati Misetic: ZPS nuk ka asnjë provë kundër Thaçit

18 Shkurt 2026, 10:37, Kosova & Bota CNA

Avokati Misetic: ZPS nuk ka asnjë provë kundër Thaçit

Avokati i mbrojtjes së ish-Presidentit Hashim Thaçi në Hagë ka deklaruar se ZPS nuk ka asnjë provë se Thaçi kishte të bënte me autorizimin e komunikatave dhe deklaratave politike.

Luka Misetic theksoi se ZPS nuk është mbështetur në asnjë referencë për të arritur në përfundimin se Thaçi kishte lidhje me shpërndarjen e komunikatave ose deklaratave politike.

“Ne si mbrojtje thamë se ZPS nuk ka asnjë provë se zoti Thaçi ka lidhje me autorizimin e komunikatave ose deklaratave politike.

Në fakt ZPS nuk ka asnjë provë tjetër që tregon se Thaçi është i përfshirë në përgatitjen e komunikateve.

Ne thamë se ZPS nuk ka madje asnjë provë tjetër, por nuk është mbështetur në asnjë lloj reference të dorës së dytë që është paraqitur në manuscript, libër apo gazeta në atë kohë. Zoti Thaçi nuk ishte i përfshirë në përgatitjen dhe shpërndarjen e deklaratave politike.

ZPS përsëri në kundërargumente nuk mundi të shpjegonte provat për të vërtetuar lidhjen mes zotit Thaçi dhe shpërndarjes së komunikatave. Çfarë lidhje ka zoti Thaçi?

Në vend që të na jepte përgjigje prokuroria na dha disa citime në lidhje me të dhënat materiale. ZPS zgjodhi të jepte një listë prova materiale në vend që të jepte dëshmitë”, tha avokati mbrojtës i zotit Hashim Thaçi./ CNA





Lajmet e fundit nga