web counter
LEXO PA REKLAMA!

SHKARKO APP

App Store
Google Play

Urdhëroi rifillimet e testimeve të armëve bërthamore/ Trump: Kjo ishte koha e duhur për ta bërë

30 Tetor 2025, 07:27, Kosova & Bota CNA

Urdhëroi rifillimet e testimeve të armëve bërthamore/ Trump:

Presidenti amerikan, Donald Trump deklaroi pak ditë më pare se ishte e nevojshme që Shtetet e Bashkuara të rifillonin testimet e armëve bërthamore për t'u siguruar që kjo ishte në përputhje me fuqitë e tjera bërthamore.

Ai u tha gazetarëve pas takimit me Xi Jinping dhe largimit nga Koreja e Jugut se është koha e duhur për ta bërë këtë. Presidenti amerikan shtoi se vendet për testet bërthamore do të vendosen më vonë.

Në një postim në rrjetet sociale, ai tha se nuk kishte zgjidhje tjetër, ndërsa vuri në dukje se fuqitë e tjera kishin vazhduar së fundmi me testimin e armëve të afta të mbajnë koka bërthamore.

“Shtetet e Bashkuara kanë më shumë armë bërthamore se çdo vend tjetër. Kjo u arrit, së bashku me modernizimin e sistemeve ekzistuese të armëve, gjatë mandatit tim të parë (në Shtëpinë e Bardhë)”, tha Presidenti Trump në një postim në Truth Social, duke shtuar se Rusia aktualisht ka arsenalin e dytë më të madh bërthamor në botë dhe Kina të tretin, por ata mund ta rrisin të tyren në nivele të ngjashme në pesë vitet e ardhshme.

“Për shkak të fuqisë së tyre të tmerrshme dhe shkatërruese, DUHET ta bëj, por nuk kisha zgjidhje tjetër!”, shtoi ai në postimin e tij dhe përfundoi: “Për shkak të testimeve nga vendet e tjera, kam udhëzuar Departamentin e Luftës të fillojë testimin e armëve tona bërthamore në kushte të barabarta. Ky proces do të fillojë menjëherë” /CNA





Lajmet e fundit nga