Takimi Trump-Xi Jinping/ 3 çështjet kryesore në agjendën mes dy udhëheqësve

29 Tetor 2025, 16:16, Kosova & Bota CNA

Takimi Trump-Xi Jinping/ 3 çështjet kryesore në agjendën

Presidenti amerikan Donald Trump ka planifikuar të takohet me presidentin e Kinës, Xi Jinping, në Korenë e Jugut gjatë së enjtes. Takimi do të mbahet për bisedime me rëndësi të lartë, mes një lufte tregtare të ashpër dhe një sfondi të tensionuar gjeopolitik.

Ja çfarë ka të ngjarë të jetë në rendin e ditës për takimin të Trump me Xi:

Tregtia dhe tarifat

Bisedimet synojnë të hartojnë një rrugë pasi Trump kërcënoi me tarifa të reja 100% mbi mallrat kineze duke filluar nga 1 nëntori, në përgjigje të vendosjes së kontrolleve të rrepta të eksportit mbi metalet e rralla nga Pekini.

Të shtunën, zyrtarët e lartë ekonomikë nga SHBA-ja dhe Kina u takuan në Kuala Lumpur të Malajzisë për t'u përgatitur për takimin dhe për të zhvilluar bisedime paraprake mbi çështjet kryesore në luftën tregtare në përshkallëzim.

Tokat e rralla në fokus

Trump u zemërua nga kufizimet e zgjeruara gjerësisht të Kinës mbi eksportet e metaleve të rralla dhe teknologjive të lidhura me to, ndërsa Pekini shtrëngoi kontrollin e saj mbi produktet që janë kritike për përdorim në telefonat inteligjentë dhe avionët luftarakë.

Kina është një prodhuese e madhe e metaleve të rralla dhe ka kontroll pothuajse të plotë mbi proceset e rafinimit të nevojshme për t'i bërë mineralet të dobishme. Kufizimet e fundit të furnizimeve kanë treguar se sa e varur është pjesa tjetër e botës tani nga Kina.

Rusia dhe Ukraina

Trump u tha gazetarëve në bordin e ‘Air Force Once’ se do të donte që Kina të ndihmonte Uashingtonin në marrëdhëniet e tij me Rusinë, ndërsa ai kërkon t'i japë fund luftës së Moskës në Ukrainë.

Trump e ka pozicionuar veten si një paqebërës global, por ka pranuar se përpjekja për t'i dhënë fund luftës më shumë se trevjeçare të Rusisë në Ukrainë ka rezultuar më e vështirë nga sa kishte parashikuar. Javën e kaluar SHBA-të vendosën sanksione ndaj Rusisë për herë të parë që kur Trump u kthye në Shtëpinë e Bardhë në janar, një shenjë e frustrimit në rritje të presidentit me Vladimir Putinin.

A do të luajë Tajvani një rol?

Kur u largua nga SHBA-ja, Trump tha se Tajvani do të ishte ndër temat e diskutuara me Xi-në.

Përgjatë viteve, SHBA-të njohin vetëm Pekinin, por ofrojnë armë për vetëmbrojtje të Tajvanit, një demokraci vetëqeverisëse e pretenduar nga Kina./CNA