web counter
LEXO PA REKLAMA!

SHKARKO APP

App Store
Google Play

Trump pranon armëpushim dyjavor me Iranin, me kusht hapjen e Ngushticës së Hormuzit

8 Prill 2026, 07:14, Kosova & Bota CNA

Trump pranon armëpushim dyjavor me Iranin, me kusht hapjen e

Presidenti Donald Trump ka deklaruar se ka rënë dakord për një armëpushim dyjavor me Iranin, më pak se dy orë para afatit të caktuar për të shkatërruar një qytetërim të tërë.

Trump tha se marrëveshja e armëpushimit u arrit me kusht që Irani të pranonte të rihapte Ngushticën kritike të Hormuzit.

“Bazuar në bisedat me Kryeministrin Shehbaz Sharif dhe Feldmarshal Asim Munir të Pakistanit, ku ata kërkuan që unë të pezulloj forcën shkatërruese që do të dërgohet sonte në Iran, dhe me kusht që Republika Islamike e Iranit të bjerë ramw dakord për HAPJEN E PLOTË, TË MENJËHERSHME dhe TË SIGURTË të Ngushticës së Hormuzit, unë pajtohem të pezulloj bombardimet dhe sulmet ndaj Iranit për një periudhë prej dy javësh. Ky do të jetë një ARMËPUSHIM i dyanshëm!”, postoi Trump në Truth Social.

“Arsyeja për ta bërë këtë është se ne tashmë i kemi përmbushur dhe tejkaluar të gjitha objektivat ushtarake dhe jemi shumë larg një marrëveshjeje përfundimtare në lidhje me PAQEN afatgjatë me Iranin dhe PAQEN në Lindjen e Mesme”, shkroi Trump.

“Ne morëm një propozim me 10 pika nga Irani dhe besojmë se është një bazë e realizueshme mbi të cilën mund të negociojmë. Një periudhë dyjavore do të lejojë që marrëveshja të finalizohet dhe të përmbushet. Në emër të Shteteve të Bashkuara të Amerikës, si President, dhe gjithashtu duke përfaqësuar vendet e Lindjes së Mesme, është një nder që ky problem afatgjatë është afër zgjidhjes”, shtoi ai.





Lajmet e fundit nga