web counter
LEXO PA REKLAMA!

SHKARKO APP

App Store
Google Play

E fundit!

x

Afati për hapjen e Ngushticës së Hormuzit/ Trump: Një civilizim i tërë mund të zhduket sonte

7 Prill 2026, 14:43, Kosova & Bota CNA

Afati për hapjen e Ngushticës së Hormuzit/ Trump: Një

Presidenti amerikan, Donald Trump, ka kërcënuar sërish Iranin në reagimin më të fundit të tij, lidhur me afatin kohor për arritjen e një marrëveshjeje për hapjen e Ngushticës së Hormuzit.

Në postimin e tij në Truth Social, Trump shprehet se nëse nuk ka marrëveshje deri në mbrëmje, “një civilizim i tërë do të zhduket sonte”.

“Një civilizim i tërë do të vdesë sonte, për të mos u rikthyer më kurrë. Nuk dua që kjo të ndodhë, por ndoshta do të ndodhë. Megjithatë, tani që kemi Ndryshim të Plotë dhe Total të Regjimit, ku mbizotërojnë mendje të ndryshme, më të zgjuara dhe më pak të radikalizuara, ndoshta mund të ndodhë diçka revolucionare e mrekullueshme, KUSH E DI? Do ta zbulojmë sonte, një nga momentet më të rëndësishme në historinë e gjatë dhe komplekse të Botës. 47 vjet shantazh, korrupsion dhe vdekje, më në fund do të marrin fund. Zoti i bekoftë Popullin e Madh të Iranit!”, thuhet në postimin e Trump.

Presidenti amerikan më parë kërcënoi të shkatërronte termocentralet e Iranit dhe infrastrukturën tjetër civile, duke thënë se vendi do të përballet me pasoja të rënda nëse nuk e hap Ngushticën e Hormuzit deri në orën 8 të mbrëmjes. /CNA





Lajmet e fundit nga