web counter
LEXO PA REKLAMA!

SHKARKO APP

App Store
Google Play

Rekord i ri në eksplorimin hapësinor/ NASA: Artemis II ndodhet në pikën më të largët nga Toka

6 Prill 2026, 22:12, Kosova & Bota CNA

Rekord i ri në eksplorimin hapësinor/ NASA: Artemis II ndodhet në

Katër astronautët e misionit Artemis II të NASA-s kanë arritur pikën më të largët nga Toka që ka prekur ndonjëherë njeriu, duke vendosur një rekord të ri historik në eksplorimin hapësinor.

Ekuipazhi ka thyer rekordin e vendosur nga Apollo 13, rreth gjysmë shekulli më parë. Apollo 13 në vitin 1970 arriti një distancë prej 400,171 kilometra larg nga Toka, ndërsa Artemis II 406,708 kilometra nga Toka duke e tejkaluar me 6,606 kilometra.

Siç raportohet nga NASA, e cila është gjatë gjithë kohës në monitorim live të ekuipazhit, te martën rreth orës 01:47, anija kozmike me katër astronautët do të kalojë pas anës së padukshme të hënës ku do të bllokohen sinjalet që lejojnë komunikimin më qendrën e kontrollit të Nasa-s në Hjuston, për afro 40 minuta dhe ekuipazhi do të jetë totalisht i shkëputur nga Toka.

Edhe astronautët e Apollo 13 përjetuan momente të ngjashme me këto gjatë misionit të tyre në Hënë. Victor Glover, pjesë e ekuipazhit të Artemis II, tha më herët se Toka është një oaz mes “një grumbulli të tërë asgjëje, që ne e quajmë univers” ku njerëzimi ekziston si një i vetëm dhe krijesë unike.

“Kjo është një mundësi për ne të kujtojmë se ku jemi, kush jemi dhe se jemi e njëjta gjë dhe se duhet ta kalojmë këtë së bashku”, tha Glover, duke shtrënguar duart me shokët e tij të ekuipazhit.

Ekuipazhi, i përbërë nga astronautët amerikanë Reid Wiseman, Victor Glover dhe Christina Koch, si dhe astronauti kanadez Jeremy Hansen, udhëton prej javës së kaluar me kapsulën Orion, e nisur nga Florida. /CNA





Lajmet e fundit nga