web counter
LEXO PA REKLAMA!

SHKARKO APP

App Store
Google Play

E fundit!

x

Trump paralajmëroi ndërprerjen e tregtisë me Spanjën/ Sanchez: SHBA-ja të respektojë marrëveshjet

4 Mars 2026, 11:59, Kosova & Bota CNA

Trump paralajmëroi ndërprerjen e tregtisë me Spanjën/

Presidenti amerikan, Donald Trump, ka deklaruar të martën në mbrëmje se Shtetet e Bashkuara të Amerikës do të ndërpresin të gjithë tregtinë me Spanjën, pasi vendi europian refuzoi të lejojë ushtrinë amerikane të shfrytëzojë bazat e saj për misione të ndërlidhura me sulmet në Iran.

Gjatë një takimi me kancelarin gjerman, Friedrich Merz, Trump tha se i ka kërkuar Sekretarit Amerikan të Thesarit, Scott Bessent, të ndërpresë të gjitha marrëdhëniet tregtare me Spanjën.

“Spanja ka qenë e tmerrshme. Do të ndërpresim të gjitha tregtitë me Spanjën. Ne nuk duam të kemi të bëjmë asgjë me Spanjën”, tha Trump për gazetarët.

Pas paralajmërimeve të Trump, ka reaguar edhe kryeministri i Spanjës, Pedro Sanchez. Në deklaratën e lëshuar këtë të mërkurë, Spanja kërkon që SHBA-ja të zbatojnë ligjin ndërkombëtar dhe marrëveshjet tregtare me BE-në. Qeveria spanjolle theksoi se është një anëtar kyç i NATO-s dhe një fuqi eksportuese e BE-së.

“Spanja respekton angazhimet e saj, është një partner tregtar i besueshëm për 195 vende në botë, përfshirë SHBA-në, me të cilat ne mbajmë një marrëdhënie tregtare historike dhe reciprokisht të dobishme. Nëse qeveria amerikane dëshiron ta rishikojë atë, duhet ta bëjë këtë duke respektuar autonominë e kompanive private, ligjshmërinë ndërkombëtare dhe marrëveshjet dypalëshe midis Bashkimit Europian dhe SHBA-së”, tha qeveria në një deklaratë të publikuar nga zyra e kryeministrit.

Paralajmërimet e Trump erdhën pasi SHBA-ja zhvendosi 15 avionë, përfshirë anije cisternash për furnizim me karburant, nga bazat ushtarake Rota dhe Moron në Spanjën jugore, pasi udhëheqja e vendit tha se nuk do të lejonte që ato të përdoren për të sulmuar Iranin.

Marrëdhëniet midis Shteteve të Bashkuara dhe Spanjës shkuan drejt prishjes për shkak se Madridi kritikoi sulmin e koordinuar SHBA-Izrael mbi Iran, duke e cilësuar atë si një tentativë për destabilizim të Lindjes së Mesme. /CNA





Lajmet e fundit nga