web counter
LEXO PA REKLAMA!

SHKARKO APP

App Store
Google Play

Tentativë sulmi me dron ndaj rafinerisë kryesore të naftës në Arabinë Saudite

4 Mars 2026, 11:38, Kosova & Bota CNA

Tentativë sulmi me dron ndaj rafinerisë kryesore të naftës

Ministria e Mbrojtjes e Arabisë Saudite ka bërë të ditur se është parandaluar një tentativë sulmi me dron ndaj rafinerisë së naftës në Ras Tanura, një nga objektet më të mëdha energjetike në vend.

Sipas deklaratës zyrtare, sulmi është kryer me një dron, por vlerësimet fillestare tregojnë se nuk ka pasur dëme materiale apo viktima. Autoritetet saudite nuk kanë dhënë detaje mbi origjinën e dronit apo autorët e mundshëm të sulmit.

Ras Tanura Refinery konsiderohet si një nga më të mëdhatë në Arabinë Saudite dhe ka një rol kyç në eksportet globale të naftës. Objekti ka qenë edhe më parë në shënjestër të sulmeve, përfshirë incidente të atribuuara Iranit në vitet e kaluara, në mes të tensioneve rajonale.

Autoritetet theksuan se sistemet e mbrojtjes ajrore funksionuan me sukses për të neutralizuar kërcënimin, ndërsa siguria në objektet energjetike është forcuar.

Ngjarja vjen në një kohë tensionesh të vazhdueshme në rajon, ku infrastruktura energjetike mbetet objektiv i mundshëm i sulmeve që mund të ndikojnë në tregjet ndërkombëtare të naftës./ CNA





Lajmet e fundit nga