web counter
LEXO PA REKLAMA!

SHKARKO APP

App Store
Google Play

Studimi/ Foshnjat e Epokës së Gurit kanë pasur prindër më të mirë

15 Nëntor 2023, 08:33, Kosova & Bota CNA
Studimi/ Foshnjat e Epokës së Gurit kanë pasur prindër
Foto ilustruese

Një studim i fundit sugjeron se prindërit modernë marrin më shumë përgjegjësi për kujdesin ndaj fëmijëve në krahasim me paraardhësit e tyre të epokës së gurit, kjo qasje mund të rezultojë në prindërim më pak efektiv. 

Antropologët nga Universiteti i Kembrixhit hulumtuan në praktikat e kujdesit për fëmijët e Mbendjele BaYaka, një fis gjysmë nomad në Republikën Demokratike të Kongos, për të eksploruar se si shoqëritë tradicionale kujdesen për të vegjlit e tyre.

Ndryshe nga prindërimi bashkëkohor, fisi Mbendjele BaYaka ka një sistem prindërimi komunal, me më shumë se 10 anëtarë të fisit që shpesh kujdeseshin për nevojat e një fëmije. 

Kjo qasje e përbashkët i lejoi fëmijët të përfitonin nga afërsisht nëntë orë kontakt të ngushtë me anëtarë të ndryshëm të fisit, duke u dhënë nënave mundësinë për të punuar dhe pushuar, shkruan "Euronews".

Në të kundërt, foshnjat në Kanada dhe Holandë merrnin më pak se gjysmë ore kontakt të ngushtë në ditë, pra një ndryshim i madh ky.

Një pjesë e rëndësishme e këtij ndërveprimi përfshin kontaktin lëkurë me lëkurë, një lloj lidhjeje që tani njihet nga profesionistët mjekësorë për një sërë avantazhesh fizike dhe emocionale, duke përfshirë ndihmën për të rregulluar ritmin e zemrës dhe frymëmarrjen e foshnjës, si dhe rritjen e zhvillimit të trurit. 

Studimi i kryer në Republikën Demokratike të Kongos zbuloi një raport kujdestar ndaj fëmijës që kalon pesë me një, një kontrast i fortë me raportet që gjenden në shtëpitë apo çerdhet moderne. 

Ekipi arriti në përfundimin se gjatë historisë njerëzore dhe parahistorisë, prindërit nuk janë përballur kurrë me të njëjtat presione në lidhje me mungesën e mbështetjes si sot./CNA

 





Lajmet e fundit nga