web counter
LEXO PA REKLAMA!

SHKARKO APP

App Store
Google Play

E fundit!

x

Mbreti i Jordanisë, ultimatum Izraelit: Mos pushtoni pjesë të Gazës, kjo rrugë është një dështim

14 Nëntor 2023, 07:45, Kosova & Bota CNA
Mbreti i Jordanisë, ultimatum Izraelit: Mos pushtoni pjesë të
Mbreti Abdullah i Jordanisë

Mbreti Abdullah i Jordanisë hodhi poshtë çdo plan të Izraelit për të pushtuar pjesë të Gazës ose për të krijuar zona sigurie brenda territorit.

Monarku u tha politikanëve të lartë në pallatin mbretëror se nuk mund të kishte "asnjë zgjidhje ushtarake apo sigurie" për konfliktin midis Izraelit dhe palestinezëve, raportoi media shtetërore.

Ai u citua të thoshte se shkaku kryesor i krizës ishte mohimi i Izraelit i "të drejtave legjitime" të palestinezëve.

"Zgjidhja fillon prej andej dhe çdo rrugë tjetër është e dënuar me dështim dhe më shumë në një cikël dhune dhe shkatërrimi", u shpreh ai. 

Kryeministri izraelit, Benjamin Netanyahu, tha se vendi që ai drejton do të kishte "përgjegjësi të përgjithshme të sigurisë" për Rripin e Gazës "për një periudhë të pacaktuar". 

Theksojmë se Jordania është shtëpia e një popullsie të madhe refugjatësh palestinezë.

Ndërkohë vijojnë luftimet në Rripin e Gazës. Ministria e Shëndetësisë e drejtuar nga Hamasi njofton se më shumë se 11,000 njerëz janë vrarë në Gaza, mes të cilëve 4,500 ishin fëmijë. Situata në spitale është në kolaps. 

Izraeli filloi sulmet në Gaza pas sulmeve të Hamasit më 7 tetor, në të cilat 1200 njerëz u vranë dhe më shumë se 200 u morën peng./CNA

 

 





Lajmet e fundit nga