web counter
LEXO PA REKLAMA!

SHKARKO APP

App Store
Google Play

E fundit!

x

Bombardime pranë spitalit indonezian në Gaza/ Dëmtohet institucioni shëndetësor, rrezikon mbylljen

10 Nëntor 2023, 09:17, Kosova & Bota CNA

Bombardime pranë spitalit indonezian në Gaza/ Dëmtohet

Ushtria izraelite ka kryer sulme me raketë pranë spitalit indonezian në Gaza.

Si pasojë spitali ka marrë disa dëmtime, por nuk raportohet për persona të plagosur.

Një zëdhënës i ministrisë së Jashtme indoneziane, Lalu Muhammad Iqbal tha se objektivi i sulmit ishte zona Taliza'tar, e cila ndodhet "shumë afër" me spitalin.

Iqbal tha se tre vullnetarë indonezianë ishin në bodrum kur ndodhi sulmi, por fatmirësisht nuk pësuan asnjë lëndim.

"Indonezia dënon edhe një herë sulmet barbare ndaj qytetarëve dhe objekteve civile, veçanërisht objekteve humanitare në Gaza," shtoi zëdhënësi.

Sarbini Abdul Murad i Komitetit të Shpëtimit të Emergjencave Mjekësore (MER-C), i cili drejton spitalin, tha për gazetën indoneziane Republika: "Sulmi ishte shumë afër Spitalit Indonezian, por jo një sulm i drejtpërdrejtë në ndërtesën kryesore."

Spitali indonezian në Gaza u ndërtua për t'i shërbyer nevojave mjekësore të palestinezëve në enklavë, sipas ministrisë së jashtme të Indonezisë.

Spitali mund të mbyllet këtë të premte, për shkak të mungesës së karburantit.

Për këtë spital ka pasur disa polemika, pasi ushtria izraelite pretendon se është përdorur për të mbrojtur operacionet nëntokësore të Hamasit, gjë që është mohuar fuqishëm nga qeveria indoneziane./ CNA





Lajmet e fundit nga