web counter
LEXO PA REKLAMA!

SHKARKO APP

App Store
Google Play

Shuarja e Papa Françeskut/ Aktorë dhe prezantues kujtojnë Atin e Shenjtë

22 Prill 2025, 08:07, Kosova & Bota CNA

Shuarja e Papa Françeskut/ Aktorë dhe prezantues kujtojnë Atin

Papa Françesku u shua mëngjesin e së hënës. Reagimet dhe nderimet për Atin e Shenjtë kanë qenë të shumta, ndër ta dhe shumë aktorë e prezantues televizivë.

Aktori i cili fitoi një nominim "Oscar" për portretizimin e Papa Françeskut në filmin “The Two Popes", Jonathan Pryce, tha se ishte një privilegj porteretizimi i Atit të Shenjtë dhe u shpreh i pikëlluar për vdekjen e tij. Më tej, Pryce tha se Papa ishte një njeri me integritet që përqafoi diversitetin dhe barazinë, foli për të varfrit, të padrejtët, refugjatët dhe emigrantët.

Aktori spanjoll, Antonio Banderas, në një status në rrjetet sociale shkruante se Ati i Shenjtë ishtë “një njeri që, në krye të Kishës Katolike, tregoi mirësi, dashuri dhe mëshirë për njerëzit më në nevojë”.

Prezantuesi Jimmy Fallon, në një status në rrjetet sociale, kujtoi takimin me Papën verën e shkuar dhe e falënderoi për fjalët inkurajuese.

“Ish-gladiatori” Rusell Crowe në platformën "X", krahas një fotoje të Romës shkruan se është një ditë e trishtuar për besimtarët.

 

Gazetarja Maria Shriver u shpreh se ishte zemërthyer nga shuarja e Atit të Shenjtë. Shriver gjithashtu kujtoi usdhëtimin në Romë për të raportuar ditët e para të zgjedhjes së Papa Françeskut, gjë të cilën e quajti një nga pikat kryesore të karrierës së saj.

“Shpresoj se kushdo që vjen më pas do të vazhdojë udhëheqjen e qëndrueshme, të fortë dhe të dhembshur të Papa Françeskut”, shtoi ajo.

Prezantuesja Whoopi Goldberg ndau në rrjetet sociale një foto me Papa Françeskun, krahas së cilës shkruante: “Më i afërti në një kohë të gjatë që dukej se kujtonte se dashuria e Krishtit mbuloi besimtarin dhe asnjë besimtar”./ CNA





Lajmet e fundit nga