web counter
LEXO PA REKLAMA!

SHKARKO APP

App Store
Google Play

“Lutemi që Ati i mëshirshëm t’i japë prehje shpirtit të tij”/ Kisha Orthodhokse, mesazh për shuarjen e Papës

21 Prill 2025, 14:05, Kosova & Bota CNA

“Lutemi që Ati i mëshirshëm t’i japë prehje

Kisha Orthodhokse Autoqefale e Shqipërisë ka shprehur ngushëllimet për shuarjen e Papa Françeskut. 

Në mesazhin e saj, Kisha Orthodhokse shprehet se Ati i Shenjtë tregoi përkushtim të thellë ndaj shpalljes së Ungjillit në kontekste të ndryshme gjeografike dhe kulturore.

 

Reagimi i Kishë Orthodhokse Autoqefale të Shqipërisë

Kisha Orthodhokse Autoqefale e Shqipërisë

Tiranë, 21.4.2025

Mbi fjetjen e Papa Françeskut

Duke marrë pjesë në hidhërimin për fjetjen e Papës së Romës, Françeskut, dëshirojmë të shprehim ngushëllimet tona ndaj klerit dhe  besimtarëve të Kishës Romano-Katolike.

Gjatë misionit të tij si prift, peshkop dhe Papë, ai gjithmonë tregoi një përkushtim të thellë ndaj shpalljes së Ungjillit në kontekste të ndryshme gjeografike dhe kulturore, veçanërisht përmes kujdesit të tij të sinqertë për të varfërit dhe të margjinalizuarit.

 Veçanërisht vlerësojmë përpjekjet e tij të sinqerta për të nxitur një mirëkuptim më të madh ndërmjet Kishës Orthodhokse dhe asaj  Katolike. Sjellim ndër mend fjalët e tij  gjatë takimeve me përfaqësuesit e Kishës Orthodhokse: “Ecim së bashku si vëllezër në rrugën e mëshirës dhe të dashurisë”.

Me shpresën tek Krishti i Ngjallur i Cili: “…do të fshijë çdo lot nga sytë e tyre dhe nuk do të ketë më as vdekje, as zi, as vajtim, as dhimbje, sepse bota e mëparshme mori fund”  (Zb. 21:4), lutemi që Zoti ynë, Ati i mëshirshëm, t’i japë prehje shpirtit të tij. I përjetshëm kujtimi!/ CNA





10:02 Kosova & Bota

Shuhet Papa Françesku

Papa Françesku është shuar në moshën 88-vjeçare. Në orën ...

Lajmet e fundit nga