web counter
LEXO PA REKLAMA!

SHKARKO APP

App Store
Google Play

E fundit!

x

“Punoi shumë për një botë të patrazuar”/ Bujar Spahiu, mesazh ngushëllimi për shuarjen e Atit të Shenjtë

21 Prill 2025, 12:56, Kosova & Bota CNA

“Punoi shumë për një botë të patrazuar”/

Kreu i Komunitetit Mysliman Shqiptar, Bujar Spahiu, me anë të një statusi në rrjetet sociale, ka shprehur ngushëllimet për shuarjen e Papa Françeskut.

Spahiu ndan detaje nga takimi me Papën në vitin 2022.

Më tej, kreu i KMSH-së shkruan se Ati i Shenjtë punoi shumë për një botë të patrazuar.

“Sot u nda nga jeta një Papë që e deshi shumë dialogun ndër fetar, e deshi shumë vendin tonë dhe vlerësoi veçanërisht Komunitetin Mysliman të Shqipërisë për rolin që luan në shoqërinë shqiptare.

Kam patur nderin e veçantë të jem kryetari i parë në historinë e KMSH që kam patur një audiecë të posaçme, me ftesë të tij, me Papa Françeskun. Takim që u zhvilluam më 6 maj 2022. Në takimin kokë më kokë me Papa Françeskun, takim i cili zgjati për më shumë se 30 minuta, patëm një diskutim të gjerë nga i cili, përveç të tjerash, kuptova rëndësinë që ai i kushtonte dialogut dhe vlerësimit të lartë që kishte për Shqipërinë e për rolin e Komuniteti Mysliman.

Sot bota nuk ka humbur vetëm një Papë, por edhe një kryetar shteti e lider fetar që punoi shumë për paqe mes besimeve e për një botë më të qetë e të pa trazuar. Unë dhe Komuniteti Mysliman kemi humbur gjithashtu një mik. I shpreh ngushëllimet e mia bashkëpunëtorëve të tij të komunitetit katolik në Shqipëri dhe shtetit të Vatikanit”, shkruan Spahiu./ CNA





10:02 Kosova & Bota

Shuhet Papa Françesku

Papa Françesku është shuar në moshën 88-vjeçare. Në orën ...

Lajmet e fundit nga