web counter
LEXO PA REKLAMA!

SHKARKO APP

App Store
Google Play

Dështon për herë të katërt konstituimi i Kuvendit të Kosovës

21 Prill 2025, 16:44, Kosova & Bota CNA

Dështon për herë të katërt konstituimi i Kuvendit

Ka dështuar për herë të katërt konstituimi i Kuvendit të Kosovës. Kjo për shkak se partia që mori më së shumti vota në zgjedhjet parlamentare të 9 shkurtit, Lëvizja Vetëvendosje, kërkoi kohë shtesë për arritjen e një marrëveshjeje politike, duke këmbëngulur se emri i propozuar nga Lëvizja Vetëvendosje për pozitën e kryetares së Kuvendit mbetet i pandryshuar.

Kryesuesi i Kuvendit, Avni Dehari, pas deklaratës së deputetit të Lëvizjes Vetëvendosje, Glauk Konjufca, tha se seanca e re do të zhvillohet të mërkurën në ora 10:00.

Në tentaivën e tretë të seancës konstitutive, të shtunën u miratua raporti i Komisionit të përkohshëm për verifikimin e kuorumit dhe të mandateve të deputetëve dhe u bë betimi i deputetëve, siç raporton media në Kosovë.

Në seancën e së shtunës, në pikën e tretë të rendit të ditës, në emër të Lëvizjes Vetëvendosje, si subjekti me numrin më të madh të deputetëve në Kuvend, deputeti Glauk Konjufca propozoi për kryetare të Kuvendit deputeten Albulena Haxhiu.

Në dy procedura votimi, për kandidaturën e paraqitur votuan 57 deputetë, ndërsa kryesuesi Dehari konstatoi se propozimi nuk kalon dhe në këto rrethana njoftoi për ndërprerjen e seancës së 19 prillit, duke paralajmëruar vazhdimin e saj për sot./CNA

 

 





Lajmet e fundit nga